ବଞ୍ଚୋ ମଝିସାହିରେ ଅଷ୍ଟମ ପ୍ରହର ନାମଯଜ୍ଞ

ହାଟଡ଼ିହି, ୧୫ । ୩ : (ଓଡିଆପୁଅ / ବିକାଶ ବିଶ୍ୱାଳ) ହାଟଡିହି ବ୍ଲକ ବଞ୍ଚୋ ମଝିସାହିରେ ଅଷ୍ଟମ ପ୍ରହର ନାମଯଜ୍ଞ ମହା ଆଡମ୍ବରପୁର୍ଣ୍ଣ ସହକାରେ ଅନୁଷ୍ଠିତ ହୋଇଯାଇଛି । ଗତ ୧୩ତାରିଖ ଦିନ ଶୁଭାଦିବାସ କରାଯାଇଥିବାବେଳେ ଗତକାଲି ଅହୋରାତ୍ର ନାମଯଜ୍ଞ କରାଯାଇଥିଲା । ଅନାଦି ଚରଣ ବରାଳ କର୍ତ୍ତା ଭାବେ ଓ ବିଜୟ କୁମାର ରାଉତ, ଭରତ ରାଉତ, ଜିତେନ୍ଦ୍ର ରାଉତ, ମିହିର ବରାଳ, ସୁଦାମ ବରାଳ, ରବିନ୍ଦ୍ର ନାୟକ ପ୍ରମୁଖ ସହକର୍ତ୍ତା ଭାବେ ପୂଜାକାର୍ଯ୍ୟ ସମ୍ପାଦନ କରିଥିଲେ । ନନ୍ଦ କିଶୋର ଦାଶ ପୂଜାର୍ଚ୍ଚନା କରିଥିବାବେଳେ କରଗୋଳା, ଡିମିରିଆ, ନଦା, କାଠକଟା, ତରାଗ, କପୁଣ୍ଡି, ସିଙ୍ଗଡୋବ, ନାଇକ ସାହି, ଶିବନାରାୟଣପୁର ଆଦି ଗ୍ରାମର ଗୌରଭକ୍ତ ଦଳ ଗୁଡିକ ସାମିଲ ହୋଇ ନାମସଙ୍କିର୍ତ୍ତନ କରିଥିଲେ । ସେହିପରି ହରିପୁରରୁ ଆସିଥିବା ଦୁଇଗୋଟି ମହିଳା ଦଳଙ୍କ ଦ୍ୱାରା ନାମ ସଙ୍କିର୍ତ୍ତନ ବେଶ ଦର୍ଶନୀୟ ହୋଇଥିଲା । ଆଜି ଅପରାହ୍ନରେ ନଗର ପରିକ୍ରମା କରାଯିବା ପରେ ଦଧିଭାଣ୍ଡ ଭଙ୍ଗା ଯାଇ ଏହାର ପୁର୍ଣ୍ଣାହୁତୀ କରାଯାଇଥିଲା । ସାହିର ସମସ୍ତ ଲୋକମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।