ବଜ୍ରପାତରେ ଜଳିଗଲା ଘର ଓ ମହିଳା ଆହତ

ଭଦ୍ରକ, ୪ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଭଣ୍ଡାରିପୋଖରୀ ବ୍ଲକର ରାମଚନ୍ଦ୍ରପୁର ପଞ୍ଚାୟତ ଅନ୍ତର୍ଗତ ଖଡିସିଙ୍ଗା ଗ୍ରାମରେ ଗତକାଲି ରାତିରେ ବଜ୍ରପାତ ଘଟି ଦୁଇଜଣ ଆହତ ହୋଇଥିବା ଜଣାଯାଇଛି । ଗ୍ରାମର ଗୟାଧର ସାହୁଙ୍କ ନଡିଆ ଗଛକୁ ବଜ୍ରାଘାତ ହୋଇ ଜଳିଉଠିଥିଲା । ପାଶ୍ୱର୍ରେ ଥିବା ଅକ୍ଷୟ ସାହୁଙ୍କ ଚାଳଘର ମଧ୍ୟ ଜଳିଯାଇଥିଲା । ବଜ୍ରାଘାତରେ ନୃସିଂହ ସାହୁ ଓ ପୂର୍ଣ୍ଣଚନ୍ଦ୍ର ସାହୁଙ୍କ ବୈଦ୍ୟୁତିକ ଉପକରଣ ପୋଡିଯାଇଥିଲା । ଭଣ୍ଡାରିପୋଖରୀରୁ ଦମକଳ ଆସି ଅକ୍ଷୟଙ୍କ ଘରେ ହୋଇଥିବା ଅଗ୍ନିକାଣ୍ଡକୁ ଆୟତ୍ତ କରିଥିଲା । ବଜ୍ରାଘାତରେ ବିଜୟଲକ୍ଷ୍ମୀ ସାହୁ(୪୨) ଆହତ ହୋଇ ପ୍ରଥମେ ଭଣ୍ଡାରିପୋଖରୀ ମେଡିକାଲ ଓ ପରେ ଯାଜପୁର ମେଡିକାଲରେ ଚିକିତ୍ସା ପାଇଁ ଭର୍ତ୍ତି ହୋଇଥିବା ଜଣାଯାଇଛି ।