ପୂର୍ବ ଶତ୍ରୁତାକୁ ନେଇ ଭୁଜାଲିରେ ଯୁବକଙ୍କ ଆକ୍ରମଣ , ଜଣେ ଗୁରୁତର

ଭଦ୍ରକ, ୮ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲ୍ଲା ତିହିଡି ଥାନା ଅଧୀନ ତାଳପଦା ଗ୍ରାମର ପ୍ରଦୀପ ମହାପାତ୍ର ନାମକ ଜଣେ ବ୍ୟକ୍ତିଙ୍କୁ ସେହିଗ୍ରାମର ଶିବ ଶଙ୍କର ନାୟକ ନାମକ ଜଣେ ଯୁବକ ଶୁକ୍ରବାର ଭୁଜାଲିରେ ହାଣି ହତ୍ୟା ଉଦ୍ୟମ କରିଥିବା ଥାନାରେ ଅଭିଯୋଗ ହୋଇଛି । ଏ ସମ୍ପର୍କରେ ପୋଲିସ ୫୦୦/ ୨୪ ମକଦ୍ଦମା ରୁଜୁକରି ତଦନ୍ତ ଚଳାଇଛନ୍ତି। ଅଭିଯୋଗରୁ ପ୍ରକାଶ ଯେ, ତାଳପଦା ଗ୍ରାମର ପ୍ରଦୀପ ମହାପାତ୍ର ନାମକ ଜଣେ ବ୍ୟକ୍ତିଙ୍କ ସହ ସେହି ଗ୍ରାମର ଶିବଶଙ୍କର ନାୟକ ନାମକ ଜଣେ ଯୁବକଙ୍କର ପୂ୍ୱର୍ରୁ ଶତ୍ରୁତା ଥିଲା । ହଟାତ ପ୍ରଦୀପଙ୍କୁ ଦେଖି ଶିବଶଙ୍କର ଗାଳି ଗୁଲଜ କରିବା ସହିତ ଶିବଶଙ୍କର ଏକ ଭୁଜାଲିରେ ଆକ୍ରମଣ କରିଥିଲେ । ଆକ୍ରମଣରେ ପ୍ରଦୀପ ଗୁରୁତର ହେବାରୁ ତାଙ୍କୁ ଚିକିତ୍ସା ପାଇଁ ତିହିଡି ଡାକ୍ତରଖାନାରେ ଭର୍ତି କରାଯାଇଥିଲା । ଅଭିଯୁକ୍ତଙ୍କୁ ତୁରନ୍ତ ଗିରଫ କରାଯିବ ବୋଲି ଥାନା ଆଇଆଇସି ପ୍ରସନ୍ନ କୁମାର ନାୟକ ପ୍ରକାଶ କରିଛନ୍ତି ।