ପୁରୁଣାବଜାର ଅଂଚଳର ଶତାଧିକ ଯୁବକ ବିଜେଡିରେ ସାମିଲ ହେଲେ

ଭଦ୍ରକ, ୮ା୭ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ପୌରାଞ୍ଚଳ ଅଧୀନସ୍ଥ ପୁରୁଣାବଜାର ଅଂଚଳର ୨ ଶହରୁ ଉର୍ଦ୍ଧ୍ୱ ଯୁବକ ବିଜୁ ଯୁବ ଜନତା ଦଳରେ ସାମିଲ ହୋଇଛନ୍ତି । ଏଥି ଉପଲକ୍ଷେ ଏକ ବିଶାଳ ମୋଟର ସାଇକେଲ୍ ରାଲି ପୁରୁଣାବଜାର ଅଂଚଳରୁ ବାହାରି ଟାଉନ୍ ହଲ ନିକଟରେ ପହଞ୍ôଚôଥଲା । ସେଠାରେ ବିଧାୟକ ସଂଜୀବ ମଲ୍ଲିକଙ୍କ କାର୍ଯ୍ୟ ଶୈଳୀ ଓ ସାଙ୍ଗଠନିକ ଦକ୍ଷତାରେ ପ୍ରଭାବିତ ହୋଇ ଏହି ଯୁବକମାନେ ବିଜେଡିରେ ଯୋଗଦେଲେ ବୋଲି କହିଥିଲେ । ତେବେ ଆଗାମୀ ଦିନରେ ଏହି ପୁରୁଣାବଜାର ଅଂଚଳରୁ ପୂର୍ବ ଅପେକ୍ଷା ଅଧିକ ବିକାଶ ମୂଳକ କାର୍ଯ୍ୟ ହେବା ସହ ନୂତନ ଭାବେ ଅଧିକ ଯୁବ ସମାଜ ରାଜ୍ୟରେ ବିଜୁ ଜନତା ଦଳର ସରକାର ଗଠନରେ ସହାୟକ ହେବେ ବୋଲି ବିଧାୟକ ଶ୍ରୀ ମଲ୍ଲିକ ଆହ୍ୱାନ ଦେଇଥିଲେ । ସେକ୍ ଅମିରଙ୍କ ନେତୃତ୍ୱରେ ଏହି ମିଶ୍ରଣ ପର୍ବରେ ଜିଲା ସଭାପତି ଜଗନ୍ନାଥ ସ୍ୱାଇଁ, ପଞ୍ଚାୟତ ସମିତି ଉପାଧ୍ୟକ୍ଷ ମୁକୁନ୍ଦଦେବ ସାମଲଙ୍କ ସମେତ ପୁରୁଣାବଜାର ଅଂଚଳର ନେତୃବୃନ୍ଦ, କାଉନ୍‌ସିଲର ଓ କର୍ମୀମାନେ ଉପସ୍ଥିତ ଥିଲେ ।