ପୁଣି ୩ ହାଇୱେ ଲୁଟେରା ଗିରଫ

ଭଦ୍ରକ, ୫ା୯ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଗ୍ରାମାଞ୍ଚଳ ଥାନା ପୁଲିସ୍ ଆଜି ପୁରୁଣାବଜାର ଥାନା ଅଂଚଳର ତିନିଜଣ ହାଇୱେ ଲୁଟେରାଙ୍କୁ ଗିରଫ କରି କୋର୍ଟ ଚାଲାଣ କରିଛି । ଏଠାରେ ସୂଚନାଯୋଗ୍ୟ ଗତକାଲି ଏହି ଥାନା ଅଧୀନସ୍ଥ ୫୩ନଂ ରାଜ୍ୟ ରାଜପଥର ରାନ୍ଦିଆ ନିକଟରେ ଏକ କୋରିୟର ଭ୍ୟାନ୍ ଚାଳକ ନିକଟରୁ ଏହି ୩ ଜଣ ଫୋନ୍ ଲୁଟ୍ କରି ଫେରାର ଥିଲେ । ତେବେ ଗ୍ରାମାଞ୍ଚଳ ଥାନା ପୁଲିସ୍ ଭ୍ୟାନ୍ ଚାଳକର ଏତଲା ମୂଳେ କେଶ୍ ନଂ ୩୭୩/୨୧, ଦଫା ୩୯୪ ଆଇପିସି ମୂଳେ ମାମଲା ରୁଜୁ କରି ତଦନ୍ତ ଚଳାଇ ଆଜି ପୁରୁଣାବଜାର ଥାନା ଅଂଚଳର ଦିଲବର ସାହା, ମୋକିତ୍ ଖାନ୍ ଓ ଟିକିଲି ଖାନ୍ ନାମକ ୩ ଜଣ ହାଇୱେ ଲୁଟେରାଙ୍କୁ ଗିରଫ କରି କୋର୍ଟ ଚାଲାଣ କରିଥିବା ବିଷୟ ଗ୍ରାମାଞ୍ଚଳ ଥାନାଧିକାରୀ ଆଲୋକ ଜେନା ଗଣମାଧ୍ୟମକୁ ଦେଇଥିବା ସୂଚନାରୁ ଜଣାପଡିଛି । ଲୁଟେରାଙ୍କ ପାଖରୁ ମୋବାଇଲ୍ ଫୋନ୍ ଜବତ କରାଯାଇ କୋରିୟର ଭ୍ୟାନ୍ ଡ୍ରାଇଭରଙ୍କୁ ହସ୍ତାନ୍ତର କରାଯାଇଛି ।