ବାଲେଶ୍ବର,୧୬/୧୦,(ଓଡ଼ିଆ ପୁଅ ପି ନାଏକ): ପୁଣି ବାଲେଶ୍ବରରୁ ଜବତ ହୋଇଛି ଧଳା ଜହର । ବାଲେଶ୍ୱର ଜିଲ୍ଲା ଜଳେଶ୍ବର ଥାନା ଅନ୍ତର୍ଗତ ଷ୍ଟେସନ ବଜାର ସ୍ଥିତ ମିଲବାଡି ଅଞ୍ଚଳରେ ଏହି ବ୍ରାଉନ୍ସୁଗର ଜବତ ହୋଇଛି । ଗୁଇନ୍ଦା ସୂଚନା ପାଇ ଆଜି ଭୋର ସମୟରେ ଜଳେଶ୍ୱର ଅବକାରୀ ବିଭାଗ ଏବଂ କଟକ କେନ୍ଦ୍ରୀୟ ଅବକାରୀ ବିଭାଗ ମିଳିତ ଚଢଉ କରିଥିଲା । ଚଢ଼ଉ ପରେ ଏକ କିଲୋଗ୍ରାମ ବ୍ରାଉନସୁଗାର ସହ ଗୋଟିଏ ଚୋରା ବନ୍ଧୁକ ମଧ୍ୟ ଜବଦ କରିଛି ଅବକାରୀ ବିଭାଗ । ଏହାଛଡା ଏହି ଘଟଣାରେ ପୋଲିସ ଜଣକୁ ଗିରଫ କରିଛି । ଗିରଫ ବ୍ୟକ୍ତି ଜଣକ ମିଲବାଡି ଅଞ୍ଚଳର ସପନ କୁମାର ପ୍ରଧାନ ହୋଇଥିବା ବେଳେ ଦୀର୍ଘଦିନ ଧରି ମିଲବାଡି ଅଞ୍ଚଳରେ ରହି ବ୍ରାଉନସୁଗାର ବେପାର କରି ଆସୁଥିଲେ ।
ପୁଣି ଧଳା ଜହର ଜବତ
