ପୁଅ, ବୋହୁଙ୍କ ଆକ୍ରମଣରେ ଗୁରୁତର ଆହତ ମା’ର ଜୀବନ ମୃତ୍ୟୁ ସହ ସଂଗ୍ରାମ

ଟିଟିଲାଗଡ଼ ୧-୧୧ (ଓଡ଼ିଆ ପୁଅ/ସନ୍ତୋଷ ନାୟକ) ଟିଟିଲାଗଡ଼ ଥାନା ଅନ୍ତର୍ଗତ ରିଗଡୁଲ ଗ୍ରାମର ଲଳିତା ଯାନୀ ନାମ୍ନୀ ଜଣେ ମହିଳାଙ୍କୁ ତାଙ୍କ ପୁଅ, ବୋହୁ ଘରୁ ତଡିବା ନେଇ ଆକ୍ରମଣ କରି ଗୁରୁତର ଆହତ କରିଦେଇଥିବା ବେଳେ ସେ ଜୀବନ ମୃତ୍ୟୁ ସହ ଡାକ୍ତର ଖାନାରେ ସଂଗ୍ରାମ କରୁଛନ୍ତି। ପ୍ରକାଶ ଯେ ସନ୍ଧ୍ୟା ପ୍ରାୟ ୫ଟା ସମୟରେ ଆହତ ମହିଳାଙ୍କୁ ତାଙ୍କ ପୁଅ, ବୋହୁ ମିଶି ଏପରି ନିର୍ଦୟ ଭାବେ ମାଡ଼ ମାରିଥିଲେ ଯେ ସେ ଅଚେତ ହୋଇ ପଡ଼ିଥିଲେ। ସେହି ସମୟରେ ତାଙ୍କ ପିତା ଆସି ବୁଝେଇବାରୁ ତାଙ୍କୁ ମଧ୍ୟ ଆକ୍ରମଣ କରି ଆହତ କରିଦେଇଥିଲେ। କିଛି ଗ୍ରାମବାସୀ ଆସି ଉକ୍ତ ଦୁଇ ଜଣଙ୍କୁ ଟିଟିଲାଗଡ଼ ଡାକ୍ତର ଖାନାରେ ପହଁଞ୍ଚେଇ ଥିବା ବେଳେ ଲଳିତା ଗୁରୁତର ଅବସ୍ଥାରେ ଜୀବନ, ମୃତ୍ୟୁ ସହ ସଂଗ୍ରାମ କରୁଛନ୍ତି। ତାଙ୍କୁ ତୁରନ୍ତ ବଲାଙ୍ଗୀର କିମ୍ବା କଟକ ସ୍ଥାନାନ୍ତରିତ କରାଯାଇ ଥିବା ବେଳେ ଟିଟିଲାଗଡ଼ ପୋଲିସ ଏକ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଥିବା ପ୍ରକାଶ ପାଇଛି।