ଭଦ୍ରକ, ୧୪ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲ୍ଳାର ଜଣେ ଆଗଧାଡ଼ିର ଲଢୁଆ କଂଗ୍ରେସ ଯୁବନେତା ପୀତବାସ ଧଳଙ୍କୁ ଦଳ ଜିଲ୍ଲା କଂଗ୍ରେସ ଓବିସି ସେଲ୍ର ସଭାପତି ଭାବେ ମନୋନୀତ କରିଛି । ଏହାକୁ ନେଇ ଜିଲ୍ଲାରେ କଂଗ୍ରେସ ଯୁବଗୋଷ୍ଠୀଙ୍କ ମଧ୍ୟରେ ଆନନ୍ଦ ଦେଖା ଦେଇଛି । ଏହି ନୂତନ ନିଯୁକ୍ତି ପରେ ଶ୍ରୀ ଧଳ ତାଙ୍କ ପ୍ରତିକ୍ରିୟା ଦେଇ ଗଣମାଧ୍ୟମକୁ କହିଛନ୍ତି ଯେ ସେ ହେଉଛନ୍ତି ଦଳର ଜଣେ ଶୃଙ୍ଖଳିତ କର୍ମୀ । ଦଳ ଯେତେବେଳେ ଯେଉଁ ଦାୟିତ୍ୱ ଦେବ ସେ ସେହି ଦାୟିତ୍ୱକୁ ସୁଚାରୂ ଭାବେ ତୁଲାଇବାକୁ ପୂର୍ଣ୍ର ଚେଷ୍ଟିତ ହେବେ । ଏଥି ସହିତ ସେ ଦଳର ଆଇସିସି ସଭାପତି ମଲ୍ଲିକାର୍ଜୁନ ଖଡ୍ଗେ, ସୋନିଆ ଗାନ୍ଧୀ, ରାହୁଲ ଗାନ୍ଧୀ, ପିସିସି ସଭାପତି ଶରତ ପଟ୍ଟନାୟକ, ପୂର୍ବତନ ସଭାପତି ନିରଞ୍ଜନ ପଟ୍ଟନାୟକ, ରାଜ୍ୟ ଓବିସି ସେଲ ସଭାପତି ବିଜୟାନନ୍ଦ ଚାଉଳିଆ, ଜିଲ୍ଳା ସଭାପତି ଅଶୋକ ଦାସ, ପୂର୍ବତନ ସଭାପତି ସୁବ୍ରତ ଦାସ, ଭଦ୍ରକ ବିଧାନସଭା କଂଗ୍ରେସ ନେତା ନଳିନୀକାନ୍ତ ମହାନ୍ତ ପ୍ରମୁଖଙ୍କୁ କୃତଜ୍ଞତା ଜଣାଇଛନ୍ତି ।
ପୀତବାସ ଧଳ ହେଲେ ଜିଲ୍ଲା କଂଗ୍ରେସ ଓବିସି ସେଲ୍ ସଭାପତି
