ପାଣିରେ ବୁଡି ଯୁବକ ନିଖୋଜ

ଭଦ୍ରକ, ୨୭ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲ୍ଲା ଧୁସୁରୀ ଥାନା ଅନ୍ତର୍ଗତ ଧୁସୁରୀ ପଂଚାୟତ ବ୍ରାହ୍ମଣୀପାଳ ପଣ୍ଡାପାଟଣା ଗ୍ରାମର ପ୍ରଶାନ୍ତ ପଣ୍ଡାଙ୍କ ପୁଅ ରୁଦ୍ର ପଣ୍ଡା (୨୦) ନିକଟ ଗେଙ୍ଗୁଟି ନଦୀର ଶାଖା କଣ୍ଡିଆ ନାଳରେ ଗାଧଉଥିବା ସମୟରେ ନିଖୋଜ ଅଛନ୍ତି। ଖବର ପାଇ ଘଟଣା ସ୍ଥଳରେ ଧାମନଗର ଦମକଳ ବାହୀନି ପହଂଚି ଖୋଜା ଖୋଜି ଜାରି ରଖିଛି। ସୂଚନା ମୁତାବକ ବ୍ରାହ୍ମଣ ଘର ହୋଇଥିବାରୁ ଜେଜେଙ୍କ ମୃତ୍ୟର ଆଜି ୧୨ ଦିନ ଥିଲା। ପଡୋଶୀ ମାନଙ୍କ ପାଇଁ ଭୋଜି ଭାତର ଆୟୋଜନ ହୋଇଥିବାରୁ ରୁଦ୍ର ନିକଟ କଣ୍ଡିଆ ନାଳରେ ସାଙ୍ଗ ସହିତ ଗାଧୋଉଥିଲେ। ତେବେ ଗୋଡ଼ ଖସିଯିବାରୁ ବୁଡି ଯାଇଥିଲେ। ତେବେ ସାଙ୍ଗ ଏହା ଦେଖି ଡାକ ପକାଇଥିଲେ। ଖବର ପାଇ ଘଟଣା ସ୍ଥଳରେ ଧୁଷୁରୀ ପୋଲିସ ଓ ଧାମନଗର ଦମକଳ ବାହିନୀ ପହଂଚି ନିଖୋଜ ଯୁବକକୁ ଖୋଜାଖୋଜି ଜାରି ରଖିଛନ୍ତି। ତେବେ ସନ୍ଧ୍ୟା ପର୍ଯ୍ୟନ୍ତ ରୁଦ୍ରର କୌଣସି ସନ୍ଧାନ ମିଳିପାରିନାହିଁ।