ପଞ୍ଚାୟତ ଊପନିର୍ବାଚନରେ ମତଦାନ କରିବେ ୩୮୭୩୬ ଭୋଟର

ଯାଜପୁର୨୬ା୧୧(ଓଡିଆ ପୁଅ/ବିରଞ୍ଚିନାରାୟଣ ପତ୍ରୀ)ଯାଜପୁର ଜିଲ୍ଲାର ୧୩୭ ଟି ବୁଥ୍ରେ ପଞ୍ଚାୟତ ଊପନିର୍ବାଚନ ଚଳିତ ମାସ ୨୭ ତାରିଖ ବୁଧବାର ଅନୁଷ୍ଠିତ ହେବ । ମୋଟ ୩୮୭୩୬ ଜଣ ଭୋଟର ଏଥିରେ ମତଦାନ କରିବେ । ଦାନଗଦୀ ବ୍ଳକର ଜୋନ ନମ୍ୱର ୮ ଜିଲ୍ଳା ପରିଷଦ ଆସନ ପାଇଁ ୯୭ ଟି ବୁଥ୍ରେ ୨୭୦୦୮ ଭୋଟର, ବରୀ ବ୍ବ୍ଲକ ଅଙ୍ଗାଳୋ ପଞ୍ଚାୟତର ସମିତି ସଦସ୍ୟ ପଦ ପାଇଁ ୧୪ ଟି ବୁଥ୍ରେ ୫୯୯୩ ଭୋଟର, ବଡଚଣା ବ୍ବ୍ଲକର ବିକ୍ରମତିରଣ ପଞ୍ଚାୟତର ସରପଞ୍ଚ ପଦବୀ ନିମିତ୍ତ ୨୧୪୩ ଭୋଟର, ଧର୍ମଶାଳା ବ୍ଳ୍କର କ୍ଷେତ୍ରପାଳ ପଞ୍ଚାୟତର ସରପଞ୍ଚ ପଦବୀ ପାଇଁ ୩୦୬୮ ଭୋଟର ଏବଂ ରସୁଲପୁର ବ୍ବ୍ଲକ ଲକ୍ଷ୍ମୀନଗର ଓ କଲଣ ୱାର୍ଡ ପାଇଁ ୫୨୪ ଜଣ ଭୋଟର ମତଦାନ କରିବେ । ନିର୍ବାଚନରେ ୧୩୭ ଗୋଟି ଟିମ୍କୁ ନିର୍ବାଚନ ପରିଚାଳନା ପାଇଁ ଦାୟିତ୍ୱ ଦିଆଯାଇଥିବା ବେଳେ ନିୟମ ମୁତାବକ ୫ ଶତାଂଶ ଅଧିକାରୀଙ୍କୁ ରିଜର୍ଭ ଭାବେ ରଖାଯାଇଚ୍ଥି । ୭ ଜଣ ମାଜିଷ୍ଟ୍ରେଟ୍ ଶୃଙ୍ଖଳା ରକ୍ଷା ପାଇଁ ନିୟୋଜିତ କରାଯାଇଥିବା ବେଳେ ୭୨ ଗୋଟି ଗାଡି ପୁଲିଂ ପାର୍ଟିି ମାନଙ୍କୁ ନେବା ଆଣିବା ପାଇଁ ନିୟୋଜିତ କରାଯାଇଚ୍ଥି । ବୁଧବାର ସକାଳ ୭ ଘଟିକାରୁ ଅପରାହ୍ନ ୧୨ ଘଟିକା ପର୍ଯ୍ୟନ୍ତ ମତଦାନ କରାଯିବ । ଭୋଟ ଗଣତି ପାଇଁ ୨୮ ତାରିଖରେ ସଂପୃକ୍ତ ବ୍ବ୍ଲକ ମାନଙ୍କରେ ବ୍ୟବସ୍ଥା କରାଯାଇଚ୍ଥି । ନିର୍ବାଚନକୁ ଶାନ୍ତି ଶୃଙ୍ଖଳାର ସହ ନିର୍ବାହ କରିବାକୁ ଭାରପ୍ରାପ୍ତ ଜିଲ୍ଲାପାଳ ମିହିର ପ୍ରସାଦ ମହାନ୍ତିଙ୍କ ଅଧ୍ୟକ୍ଷତାରେ ଏକାଧିକ ବୈଠକ ଆୟୋଜନ କରାଯାଇଚ୍ଥି ।