ନୟାଗଡ଼: ନୂଆ ୧ ଆକ୍ରାନ୍ତଙ୍କ ସହ ମୋଟ ୨୭୫, ସୁସ୍ଥ ୧୮୭

ନୟାଗଡ଼, ୧୪ା୭ : (ଓଡ଼ିଆ ପୁଅ/ସୁରେନ୍ଦ୍ର ନାଥ ପ୍ରଧାନ) ନୟାଗଡ଼ରେ କରୋନା କାୟା ବିସ୍ତାର କରି ଚାଲିଛି। ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଗତକାଲି ସୁଦ୍ଧା କରୋନା ଆକ୍ରାନ୍ତଙ୍କ ସଂଖ୍ୟା ୨୭୪ ଥିଲାବେଳେ ମଙ୍ଗଳବାର ଆଉ ଜଣେ ୩୪ ବର୍ଷୀୟ ଯୁବକ କରୋନା ଚିହ୍ନଟ ହୋଇଛି। ଯାହାକି ଆକ୍ରାନ୍ତଙ୍କ ସଂଖ୍ୟା ୨୭୫ କୁ ବୃଦ୍ଧି ପାଇଛି। ନୂଆ ଚିହ୍ନଟଙ୍କ ଘର ନୟାଗଡ଼ ଜିଲା ବାହାଡ଼ାଝୋଲାର ନୂଆଗାଁ ହୋଇଥିଲାବେଳେ ସେ ଭୁବନେଶ୍ୱରରେ ରହୁଥିବା ଜଣାପଡ଼ିଛି। ଏହି ୨୭୫ ମଧ୍ୟରୁ ୧୮୭ ଜଣ ସୁସ୍ଥ ହୋଇଛନ୍ତି। ଏଥିମଧ୍ୟରୁ ୮୭ ଜଣ ସକ୍ରିୟ ଅବସ୍ଥାରେ ଥିବାବେଳେ ନୟାଗଡ଼ ଜିଲାପ୍ରଶାସନ ସୂଚନା ଅନୁଯାୟୀ ଜଣେ କରୋନାରେ ମୃତ୍ୟୁ ବରଣ କରିଛନ୍ତି। ଏଥିରେ କୋଭିଡ୍ ଯୋଦ୍ଧା ୨୪ ଥିବାବେଳେ ୫ଜଣ ସୁସ୍ଥ ହୋଇଛନ୍ତି ଓ ଜଣେ ମୃତ୍ୟ ବରଣ କରିଛନ୍ତି।