ନିର୍ବାଚନ ଲଢ଼ିବା ଏବଂ ଜିତିବାରେ ପ୍ରଥମ ଠାକରେ: ଆଦିତ୍ୟ

ମୁମ୍ବାଇ: ଶିବସେନା ସଂସ୍ଥାପକ ବାଲା ସାହେବ ଠାକରେଙ୍କ ନାତି ତଥା ଉଦ୍ଧବ ଠାକରେଙ୍କ ବଡ଼ ପୁଅ ଆଦିତ୍ୟ ଠାକରେ ମହାରାଷ୍ଟ୍ର ବିଧାନସଭା ନିର୍ବାଚନରେ ବର୍ଲି ଆସନରୁ ନିର୍ବାଚନ ଲଢ଼ି ବିଜୟୀ ହୋଇଛନ୍ତି।ଆଦିତ୍ୟ କଂଗ୍ରେସ ପାର୍ଥି ଡା: ସୁରେଶ ମାନେଙ୍କୁ ୬୭ ହଜାରରୁ ଅଧିକ ଭୋଟରେ ହରାଇ ଏହି ବିଜୟ ହାସଲ କରିଛନ୍ତି।ଏହା ସହ ୨୯ ବର୍ଷୀୟ ଆଦିତ୍ୟ, ଠାକରେ ପରିବାରର ପ୍ରଥମ ସଦସ୍ୟ ଭାବରେ ନିର୍ବାଚନ ଲଢ଼ିଛନ୍ତି ଏବଂ ବିଜୟୀ ହୋଇଛନ୍ତି।ଏହା ପୂର୍ବରୁ ଠାକରେ ପରିବାରର କେହି ନିର୍ବାଚନ ଲଢ଼ିନଥିଲେ।ସୂଚନାଯୋଗ୍ୟ, ୧୯୯୯ ମସିହାରେ ବାଲ ଠାକରେଙ୍କ ଉପରେ ନିର୍ବାଚନ ଲଢ଼ିବା ଉପରେ ବ୍ୟାନ ଲାଗିବା ସହ ତାଙ୍କଠାରୁ ଭୋଟଦାନ ଅଧିକାର ମଧ୍ୟ ଛଡ଼ାଇ ନିଆଯାଇଥିଲା।ନିର୍ବାଚନ କମିଶନ ବାଲ ଠାକରେଙ୍କ ଉପରେ ଏହି ପ୍ରତିବନ୍ଧ ୬ ବର୍ଷ ପାଇଁ ଲଗାଇଥିଲେ।//ଦେବଦତ୍ତ ରଥ