ନିମ୍ନଗାମୀ ଅର୍ଥନୈତିକ ଗତିର ସଂକେତ : ଆଇବିଏମ୍ ର ୩୯୦୦ କର୍ମଚାରୀଙ୍କୁ ଛଟେଇ କରିବାକୁ ନିଷ୍ପତ୍ତି

ନୂଆଦିଲ୍ଲୀ ୨୬-୧ (ଓଡ଼ିଆ ପୁଅ) ଚାକିରି ଚାଲିଯିବ। ଛଟେଇପରେ କର୍ମଚାରୀ କରିବେ କ’ଣ? ଏବେ ଚିନ୍ତା ଘାରିବାରେ ଲାଗିଛି। ଚାଲିଛି ବିଭିନ୍ନ କମ୍ପାନୀରେ ଛଟେଇ। କର୍ମକ୍ଷେତ୍ରରେ ଛଟେଇ ମୁଖ୍ୟତଃ ଅର୍ଥନୈତିକ ଅବନତିର ସଙ୍କେତ ଭାବରେ ବିବେଚନା କରାଯାଏ। ସମ୍ପ୍ରତି ମାଇକ୍ରୋସଫ୍ଟ, ଗୁଗଲ୍, ଆମାଜନ, ସ୍ୱିଗି, ସେୟାର ଚାଟ୍ ସେମାନଙ୍କ କର୍ମଚାରୀମାନଙ୍କୁ ଚାକିରିରୁ ଛଟେଇ କରି କହିଛି ଯେ ଅବଶିଷ୍ଟ ଲୋକଙ୍କ ସୁରକ୍ଷିତ କାମ ପାଇଁ ଏହା କରିବା ଆବଶ୍ୟକ। ବର୍ତ୍ତମାନ ଏହି କ୍ରମରେ, ଆଇବିଏମ୍ ମଧ୍ୟ ଏହାର ୩୯୦୦ କର୍ମଚାରୀଙ୍କୁ ହଟାଇବାକୁ ନିଷ୍ପତ୍ତି ନେଇଛି। ବାର୍ଷିକ ନଗଦ ଲକ୍ଷ୍ୟ ହାସଲ କରିବାରେ ବିଫଳ ହେବା ପରେ ଏହି ନିଷ୍ପତ୍ତି ନିଆଯାଇଛି ବୋଲି ଆଇବିଏମ୍ କହିଛି।