ନାବାଳିକାକୁ ଦୁଷ୍କର୍ମ ଅଭିଯୋଗ, ଅଭିଯୁକ୍ତ ଗିରଫ

ଯାଜପୁର ୨ା୧୧ (ଓଡିଆ ପୁଅ/ବିରଞ୍ଚିନାରାୟଣ ପତ୍ରୀ) ପାଣିକୋଇଲି ଥାନା ଅନ୍ତର୍ଗତ ଖମଣ ପଂଚାୟତର ବଢେଇଟିକର ଗ୍ରାମରେ ବିଦ୍ୟାଳୟରୁ ୪ର୍ଥ ଶ୍ରେଣୀର ଛାତ୍ରୀ ଘରକୁ ଫେରୁଥିବା ବେଳେ ସ୍କୁଲ ନିକଟରେ ଜୈନିକ କାମାନ୍ଧ ନିଜ ଘରକୁ ଡାକିନେଇ ନାବାଳିକାକୁ ଅସଦାଚରଣ କରିବା ସହ ଏହାକୁ କାହାକୁ କହିଲେ ଜୀବନରୁ ମାରି ଦେବାକୁ ଧମକ ଦେଇଥିବା ଅଭିଯୋଗରେ ପୁଲିସ ଅଭିଯୁକ୍ତକୁ ଗିରଫ କରିଛି।ପ୍ରକାଶଯେ ଗତ ଗୁରୁବାର ବଢେିଟିକର ପ୍ରାଥମିକ ବିଦ୍ୟାଳୟର ଜଣେ ଛାତ୍ରୀ ସ୍କୁଲ ଛୁଟି ହେବାରୁ ଘରକୁ ଯାଉଥିଲା।ସ୍କୁଲ ନିକଟରେ ଳକ୍ଷ୍ମୀଧର ମଳିକଙ୍କ ଘର।ନାବାଳିକା ଜଣକୁ ସେ ଘରକୁ ଡାକିବା ପରେ ବିଭିନ୍ନ ପ୍ରଲାଭନ ଦେଖାଇ ଦୁଷ୍କର୍ମ କରିଥିଲା।ଏହାକୁ କାହାକୁ କହିଲେ ଜୀବନରୁ ମାରିଦେବାକୁ ଧମକ ଦେଇଥିଲା।ଛାତ୍ରୀ ଜଣଙ୍କ ଭୟରେ ଶୁକ୍ରବାର ସ୍କୁଲ ଯାଇନଥିଲା କି ଘରେ କିଛି କହିନଥିଲା। ପରିବାର ପକ୍ଷରୁ ତାକୁ ଦୋକାନକୁ ପଠାଇବାରୁ ସେ ସେପଟକୁ ଯିବାକୁ ଇଚ୍ଛା କରିନଥିଲା।ଫଳରେ ପରିବାର ଲୋକେ କାରଣ ଖୋଜିବାରୁ ନାବାଳିକାଟି ସମସ୍ତ କଥା କହିଥିଲା।ଏ’ନେଇ ଳକ୍ଷ୍ମୀଧରକୁ ଖୋଜିବା ପରେ ସେ ମିଳିନଥିଲା।ଏ’ନେଇ ଥାନାରେ ଅଭିଯୋଗ କରିବା ପରେ ପୁଲିସ ଲକ୍ଷ୍ମୀଧର ଓରଫ ପାଗୁଳୁକୁ ଗିରଫ କରିବା ସହ ଘଟଣାର ତଦନ୍ତ ଜାରି ରଖିଛି।