ନଦୀପଠାରୁ ଅଚେତ ଅବସ୍ଥାରେ କଲେଜ ଛାତ୍ରୀ ଉଦ୍ଧାର

କଟକ, ୦୩/୦୧(ଓଡ଼ିଆ ପୁଅ /ଅଭୟ ଜେନା) କଟକ ଜିଲ୍ଲା ସାଲେପୁରଥାନା ଚିତ୍ରୋପଳା ନଦୀପଠାରେ ହାତଗୋଡ଼ ଓ ମୁଁହ ବନ୍ଧା ହୋଇ ଅଚେତ ଅବସ୍ଥାରେ ଆବଜନା ଗୃହ ମଧ୍ୟରେ ପଡିଥିବା ଜଣେ ନାବାଳିକା କଲେଜ ଛାତ୍ରୀକୁ ସ୍ଥାନୀୟ ଲୋକେ ଉଦ୍ଧାର କରି ଚିକିତ୍ସା ନିମନ୍ତେ ସାଲେପୁର ମେଡ଼ିକାଲରେ ଭର୍ତ୍ତି କରିଥିବା ଜଣାଯାଇଛି। ଏହି ଛାତ୍ରୀ ଜଣକ ସାଲେପୁର କଲେଜର +୨ ପ୍ରଥମ ଶ୍ରେଣୀ ବିଜ୍ଞାନ ବିଭାଗ ଛାତ୍ରୀ ବୋଲି ଜଣାଯାଇଛି। ଏହି ଛାତ୍ରୀ ଜଣକ ନିୟମିତ ବସ ଯୋଗେ ଘରୁ କଲେଜକୁ ଯାତାୟତ କରେ। ଆଜି କଲେଜ ଛୁଟି ହେବାପରେ ଛାତ୍ରୀ ଜଣଙ୍କ କେଉଁ ପରିସ୍ଥିତିରେ ନଦୀ ପଠାକୁ ଆସିଲା ଓ କିଏ କେଉଁ ଉଦ୍ଦେଶ୍ୟ ରଖି ଛାତ୍ରୀ ଜଣଙ୍କର ହାତଗୋଡ଼ ଓ ମୁହଁ ବାନ୍ଧି ଅଚେତ ଅବସ୍ଥାରେ ନଦୀପଠାରେ ଫିଙ୍ଗି ଦେଲେ ତାହା ତଦନ୍ତ ସାପେକ୍ଷ। ଅପରପକ୍ଷରେ ଛାତ୍ରୀର ଅବସ୍ଥା ଗୁରୁତର ହେବାରୁ ତାକୁ କଟକ ବଡ଼ମେଡିକାଲକୁ ପଠାଇଦିଆ ଯାଇଥିବା ସୂଚନା। ଅପରପକ୍ଷରେ ସାଲେପୁର ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।