ନକ୍ସଲ ଆକ୍ରମଣରେ ଜଣେ ସିପାହୀ ସହିଦ

ନୂଆଦିଲ୍ଲୀ: ଛତିଶଗଡ଼ର ବିଜାପୁର ଜିଲ୍ଲା ଜେରେପଲ୍ଲୀ ଗାଁ ନିକଟରେ ଥିବା ଜଙ୍ଗଲରେ କିଛି ମାଓବାଦୀ ଲୁଚି ରହିଥିବା ଖବର ପାଇ ସିଆର୍‌ପିଏଫ୍‌ ବାଟାଲିୟନ୍‌ ଏବଂ କୋବ୍ରା ବାଟାଲିୟନ୍‌ ପକ୍ଷରୁ ମିଳିତ ସର୍ଚ୍ଚ ଅପରେଶନ୍‌ ଆରମ୍ଭ ହୋଇଥିଲା।ମାଓବାଦୀଙ୍କୁ ଆତ୍ମସମର୍ପଣ ଲାଗି ସତର୍କ ସୂଚନା ଦିଆଯାଇଥିଲା।କିନ୍ତୁ ସେମାନେ ସୁରକ୍ଷାକର୍ମୀଙ୍କ ଉପରକୁ ଗୁଳିମାଡ଼ କରିଥିଲେ।ଏଥିରେ ଜଣେ ଯବାନ କାମତା ପ୍ରସାଦ ସହିଦ ହୋଇଛନ୍ତି।କାମତାଙ୍କ ଦେହରେ ଗୁଳି ଲାଗିବା ପରେ ଚିକିତ୍ସା ପାଇଁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା।ତେବେ ଡାକ୍ତର ସେଠାରେ ତାଙ୍କୁ ମୃତ ଘୋଷିତ କରିଥିଲେ।ମିଳିତ ସୁରକ୍ଷାକର୍ମୀଙ୍କ ପକ୍ଷରୁ ସେଠାରେ ସର୍ଚ୍ଚ ଅପରେଶନ ଏବେ ଜାରି ରହିଛି।-ଦେବଦତ୍ତ ରଥ