ଧାମରାରେ ଦୁଷ୍କର୍ମ ଉଦ୍ୟମ ଅଭିଯୋଗରେ ବନ୍ଧା ହେଲେ ଜିଲ୍ଲା ସାଧାରଣ ସମ୍ପାଦକ ଉନ୍ମୁକ୍ତ ଯୁବକ

ଭଦ୍ରକ, ୧୬ା୩ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଦୁଷ୍କର୍ମ କରିବା ଅଭିଯୋଗରେ ଭଦ୍ରକ ଜିଲ୍ଲା ଧାମରା ଥାନା ଅନ୍ତର୍ଗତ କଇଥଖୋଲା ଗ୍ରାମର ଅବଦୁଲ ଅହେଦ୍ ଖାନ୍ ନାମକ ଯୁବକ କୁ ଗିରଫ କରି କୋର୍ଟ ଚାଲାଣ କରିଛି ଧାମରା ପୋଲିସ। ତେବେ ସୋନାଲି ପ୍ରିୟଦର୍ଶିନୀ ନାୟକ ନାମକ ଏକ ମହିଳା ଧାମରା ଥାନା ରେ ଅଭିଯୋଗ କରିଛନ୍ତି ଯେ ମହିଳାଙ୍କ ର ସ୍ୱାମୀ ଶାରୀରିକ ଅକ୍ଷମ ହୋଇଥିବା ବେଳେ ଘରର ସବୁ କଥା ସ୍ତ୍ରୀ ସୋନାଲି ବୁଝନ୍ତି। ତେବେ ମହିଳାଙ୍କର ଗୋଟେ ଟ୍ରାକ୍ଟର ରହିଥିବା ବେଳେ ଉକ୍ତ ମହିଳାଙ୍କୁ ବାରମ୍ବାର ଅବଦୁଲ ଆହେଦ ଖାନ୍ ଦାଦା ବଟି ମାଗିବା ସହ ହଇରାଣ କରୁଥିଲେ। ତେବେ ଆଜି ସକାଳ ସମୟ ରେ ଅବଦୁଲ ସମ୍ପୃକ୍ତ ମହିଳାଙ୍କ ଘରକୁ ଆସି ଟ୍ରାକ୍ଟର ଆଳ ଦେଖାଇ ମହିଳାଙ୍କୁ ଅଶ୍ଳୀଳ ଇଙ୍ଗିତ କରିବା ସହ ମହିଳାଙ୍କ ସରଳତାର ସୁଯୋଗ ନେଇ ଦୁଷ୍କର୍ମ ଉଦ୍ୟମ କରିଥିବା ଧାମରା ଥାନାରେ ସମ୍ପୃକ୍ତ ମହିଳା ଜଣକ ଲିଖିତ ଅଭିଯୋଗ କରିଛନ୍ତି। ତେବେ ପୋଲିସ ଉକ୍ତ ଘଟଣାର ତଦନ୍ତ କରିବା ସହ କଇଥଖୋଲା ଅଂଚଳ ରୁ ଅବଦୁଲ ଆହେଦ ଖାନ୍ କୁ ଗିରଫ କରି କୋର୍ଟ ଚାଲାଣ କରିଛି। ଏଠାରେ ଉଲେଖ ଯୋଗ୍ୟ ସମ୍ପୃକ୍ତ ବ୍ୟକ୍ତି ଙ୍କ ନାମ ରେ ଧାମରା ଥାନା ରେ ବହୁ ଅଭିଯୋଗ ହୋଇଥିବା ବେଳେ ଅବଦୁଲ ଆହେଦ ଖାନ ଏକ ରାଜନୈତିକ ଦଳର ଜିଲ୍ଲା ସାଧାରଣ ସମ୍ପାଦକ ଅଛନ୍ତି।