ଧାମନଗର ଅବକାରୀ ବିଭାଗ ପକ୍ଷରୁ ୨ ମଦବେପାରି ଗିରଫ, ୩୦ଲିଟର ମଦ ଜବତ

ଭଦ୍ରକ, ୨ା୯ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଧାମନଗର ଅବକାରୀ ବିଭାଗ ପକ୍ଷରୁ ଆଜି ବିଭିନ୍ନ ସ୍ଥାନରେ ଚଢାଉ କରାଯାଇ ମଦ ସହ ଅଭିଯୁକ୍ତମାନଙ୍କୁ ଗିରଫ କରାଯାଇଛି । ଭଣ୍ଡାରିପୋଖରୀ ଥାନା ଅଂଚଳର ନାଆମି ସ୍ଥିତ ପ୍ରମିଳା ମୁଣ୍ଡା ଓ ନଗୁଆଁ କେନାଲରାସ୍ତାରେ ନନ୍ଦକିଶୋର ଯେନା ଙ୍କ ଠାରୁ ୩୦ଲିଟର ମଦ ଜବତ କରାଯାଇଛି । ଧାମନଗର ଅବକାରୀ ବିଭାଗ ଅଧିକାରୀ ଜଗନ୍ନାଥ ମିଶ୍ର, ଏଏସ୍‌ଆଇ ଦୀପକ ରାଉତ, କନେଷ୍ଟବଳ ମୁରଲି ପ୍ରଧାନ, ପୁଷ୍ପରାଣୀ ରାଉତ ପ୍ରମୁଖ ଏହି ମଦବେପାରି ମାନଙ୍କୁ ଧରିବା ସହିତ ତାଙ୍କ ଠାରୁ ମଦ ମଧ୍ୟ ଜବତ କରିଥିଲା । ଏ ସମ୍ପର୍କରେ ମଦବେପାରିଙ୍କ ବିରୁଦ୍ଧରେ ଅବକାରୀ ବିଭାଗ ପକ୍ଷରୁ ଏକ ମାମଲା ରୁଜୁ କରାଯାଇ ଅଭିଯୁକ୍ତ ମଦବେପାରି ମାନଙ୍କୁ ଏସ୍‌ଡ଼ିଜେଏମ୍ କୋର୍ଟରେ ହାଜର କରାଯାଇଛି ।