– ୨.୫ କୋଟି – ଷୀଙ୍କୁ ଲୋନ ଦିଆଯିବାର ବ୍ୟବସ୍ଥା ଦେଶର ଅନ୍ନଦାତାଙ୍କୁ ସଶକ୍ତ କରିବ
– ରାସ୍ତାକଡ ଦୋକାନୀଙ୍କ ପାଇଁ ୫ ହଜାର କୋଟି ଘୋଷଣା ସେମାନଙ୍କୁ ଆର୍ଥିକ ସ୍ୱାବଲମ୍ବୀ କରିବ
– ପ୍ରବାସୀ ଶ୍ରମିକଙ୍କୁ କମ ଟଙ୍କାରେ ଭଡା ଘର ଯୋଗାଇ ଦିଆଯିବା ବ୍ୟବସ୍ଥା ସ୍ୱାଗତଯୋଗ୍ୟ ପଦକ୍ଷେପ
– ପ୍ରଧାନମନ୍ତ୍ରୀଙ୍କ ସକ୍ରିୟ ପଦକ୍ଷେପ ଦେଶର ଅର୍ଥନୀତିକୁ ପୁନଃମଜବୁତ୍ କରିବ
– ପ୍ରବାସୀ ଶ୍ରମିକଙ୍କ ବିଭିନ୍ନ ସୁବିଧା ପାଇଁ ବ୍ୟବସ୍ଥା କରିଥିବାରୁ ପ୍ରଧାନମନ୍ତ୍ରୀ ଓ ଅର୍ଥମନ୍ତ୍ରୀଙ୍କୁ ଧନ୍ୟବାଦ
ନୂଆଦିଲ୍ଲୀ/ଭୁବନେଶ୍ୱର, ମେ ୧୪ (ଓଡ଼ିଆ ପୁଅ) – ଦେଶର ନାଗରିକ ବିଶେଷ ଭାବରେ ଗରିବ ଲୋକଙ୍କ କଲ୍ୟାଣ ପାଇଁ ମୋଦି ସରକାର ପ୍ରତିଶ୍ରୁତିବଦ୍ଧ। ଆଜି ନିଆଯାଇଥିବା ପଦକ୍ଷେପରୁ ମୋଦି ସରକାରଙ୍କ ଗରିବଙ୍କ ପ୍ରତି ଥିବା ସମ୍ବେଦନଶୀଳତାକୁ ପ୍ରତିଫଳିତ କରୁଛି ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।
ଦ୍ୱିତୀୟ ଦିନରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଦ୍ୱାରା ନିଆଯାଇଥିବା ଘୋଷଣାକୁ ସ୍ୱାଗତ କରିବା ସହ ଶ୍ରୀ ପ୍ରଧାନ କହିଛନ୍ତି ଯେ ମୋଦି ସରକାର କରୋନା ଆହ୍ୱାନର ମୁକାବିଲା କରିବା ପାଇଁ ସମାଜର ସବୁ ବର୍ଗଙ୍କୁ ଧ୍ୟାନରେ ରଖି କାର୍ଯ୍ୟ କରୁଛନ୍ତି। ଦେଶର ଅର୍ଥନୀତିକୁ ପୁଣି ଥରେ ମଜବୁତ୍ କରିବା ଦିଗରେ ମୋଦିଙ୍କ ସକ୍ରିୟ ପଦକ୍ଷେପ ଜାରୀ ରହିଛି। ଏଥିପାଇଁ ପ୍ରଧାନମନ୍ତ୍ରୀ ମୋଦି ଓ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଧନ୍ୟବାଦ ଜଣାଇଛନ୍ତି ଶ୍ରୀ ପ୍ରଧାନ।
କରୋନା ଭଳି କଠିନ ସମୟରେ ଲୋକମାନେ ଆବଶ୍ୟକ କରୁଥିବା ବେଳେ ପ୍ରଧାନମନ୍ତ୍ରୀ ମୋଦି ଦେଶର ଗରିବ ଲୋକମାନଙ୍କ ପାଇଁ ସହାୟକ ହୋଇଛନ୍ତି। ଦେଶର କୃଷକ, ପ୍ରବାସୀ ଶ୍ରମିକ, ରାସ୍ତାକଡ ଦୋକାନୀ, ଛୋଟ ବ୍ୟବସାୟୀ ଓ ଗହରାଂଚଳ ଏବଂ ଗ୍ରାମାଂଚଳର ଗରିବ ଲୋକଙ୍କୁ ଆର୍ଥିକ ସବଳ ପାଇଁ ମୋଦି ସରକାର କାର୍ଯ୍ୟ କରୁଛନ୍ତିା ଆଜିର ଘୋଷଣାରେ ଗ୍ରାମାଚଂଳ ଅର୍ଥନୀତିକୁ ସଦୃଢ କରିବା ତଥା କୃଷକ ଏବଂ କୃଷି ଉତ୍ପାଦକୁ ବଢେଇବା ପାଇଁ ଉଦ୍ୟମ କରାଯାଇଛି। କିଷାନ କ୍ରେଡିଟ୍ ମାଧ୍ୟମରେ ୨.୫ କୋଟି – ଷୀଙ୍କୁ ଲୋନ ଦିଆଯିବାର ବ୍ୟବସ୍ଥା ହୋଇଛି। ଏହା କରୋନା ମହାମାରୀ ପ୍ରଭାବରୁ ଅନ୍ନଦାତାଙ୍କୁ ସହାୟତା ପ୍ରଦାନ କରିବାରେ ସହାୟକ ହେବ।
ସେହିପରି ପ୍ରବାସୀ ଶ୍ରମିକଙ୍କ ରହିବା ଖାଇବା ପିଇବା ଓ ଯତ୍ନ ନେବା ପାଇଁ ମୋଦି ସରକାର ବ୍ୟବସ୍ଥା କରିଛନ୍ତି। ପ୍ରବାସୀ ଶ୍ରମିକ ତଥା ପ୍ରବାସୀ ଓଡିଆଙ୍କୁ କମ ଟଙ୍କାରେ ଭଡା ଘର ଯୋଗାଇ ଦିଆଯିବା ବ୍ୟବସ୍ଥା ମଧ୍ୟ ସ୍ୱାଗତଯୋଗ୍ୟ ପଦକ୍ଷେପ। ଅନେକ ରାଜ୍ୟରେ ପ୍ରବାସୀ ଶ୍ରମିକଙ୍କୁ ଆଗାମୀ ୨ ମାସ ମାଗଣାରେ ଖାଦ୍ୟ ଯୋଗାଇବା ପାଇଁ ପାଇଁ ଗୋଟିଏ ଦେଶଗୋଟିଏ ରାସନ କାର୍ଡ ବ୍ୟବସ୍ଥା ଲାଗୁ ହୋଇଛି। ୫୦ ଲକ୍ଷ ରାସ୍ତାକଡ ଦୋକାନୀଙ୍କ ପାଇଁ ୫ ହଜାର କୋଟି ଘୋଷଣା ହୋଇଛି। ଏହା ସେମାନଙ୍କୁ ଆର୍ଥିକ ସ୍ୱାବଲମ୍ବୀ କରିବ। ଅପରପକ୍ଷରେ ଗରିବଙ୍କ କଲ୍ୟାଣଙ୍କୁ ନିଶ୍ଚିତ କରାଯାଇଛି। ଭାରତ ଆତ୍ମନିର୍ଭର ପ୍ୟାକେଜରେ ଆଦିବାସୀଙ୍କୁ ମଧ୍ୟ ଧ୍ୟାନ ଦିଆଯାଇଛି ବୋଲି ସେ କହିଛନ୍ତି।