ଦୋଳସାହି ବଜାରରେ ଜଳିଗଲା ୫ ଦୋକାନ

ଭଦ୍ରକ, ୨୮ା୬ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲ୍ଲା ତିହିଡ଼ିି ତହସିଲ ଅଧୀନ ଦୋଳସାହି ବଜାରରେ ମଙ୍ଗଳବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୫ଟି ବିଭିନ୍ନ ଦୋକାନ ଜଳି ଯାଇଥିବା ଜଣାପଡ଼ିଛି । ଅଗ୍ନିକାଣ୍ଡରେ ରାମକୃଷ୍ଣ ପ୍ରଧାନଙ୍କ ଷ୍ଟେସନାରୀ, ଶଙ୍କର୍ଷଣ ରଣା, ଜନ୍ମେଜୟ ବେହେରା, ପୀତାମ୍ବର ରଣା ଓ ଅଶ୍ୱନୀ କୁମାର ରଣାଙ୍କ ଫଳ ଦୋକାନ ସମ୍ପୂର୍ଣ୍ଣ ପୋଡ଼ି ଯାଇଥିବା ଜଣାପଡ଼ିଛି । ଏହି ଅଗ୍ନିକାଣ୍ଡରେ ୫ଟି ଦୋକାନର ଥିବା ୧୦ଲକ୍ଷରୁ ଅଧିକ ଟଙ୍କାର ସାମଗ୍ରୀ ପୋଡ଼ି ଯାଇଥିବା ଆକଳନ କରାଯାଇଛି । ଖବର ପାଇ ତିହିଡ଼ି ଓ ଗଦି ଦମକଳ ବାହିନୀ ଘଟଣା ସ୍ଥଳରେ ପହଞ୍ôଚ ନିଆଁକୁ ଆୟତ୍ତ କରିଥିଲେ । ତହସିଲଦାର ପ୍ରତୀକ ସାହୁଙ୍କ ନିର୍ଦ୍ଦେଶକ୍ରମେ ଦୋଳସାହି ରାଜସ୍ୱ ନିରୀକ୍ଷକ ବୁଧବାର ଘଟଣା ସ୍ଥଳରେ ପହଞ୍ôଚ କ୍ଷୟ କ୍ଷତି ଆକଳନ କରିଛନ୍ତି । ତେବେ କେହି ଦୁର୍ବୁତ୍ତ ଅଗ୍ନିକାଣ୍ଡ ଘଟାଇଥିବା ଦୋକାନୀମାନେ ସନ୍ଦେହ କରୁଥିବା କୁହାଯାଉଛି ।