ଭଦ୍ରକ, ୧୧ା୬ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ୮୦ ଲିଟର ଦେଶୀ ମଦ ସହିତ ୨ଟି ବାଇକ୍ ଜବତ ସହ ୩ ଜଣଙ୍କୁ ଗିରଫ କରାଯାଇଛି । ପ୍ରାପ୍ତ ସୂଚନା ଅନୁସାରେ ଜିଲାପାଳ ଡ. ଜ୍ଞାନ ଦାସଙ୍କ ନିର୍ଦ୍ଦେଶ କ୍ରମେ ଓ ଉପଜିଲାପାଳ ପୀତାମ୍ବର ସାମଲଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ଜିଲା ଅବକାରୀ ବିଭାଗ ପକ୍ଷରୁ ସଦର ଥାନାଧିକାରୀ ସନ୍ତୋଷ ବଳଭଙ୍କ ନେତୃତ୍ୱରେ ଗଠିତ ଏକ ସ୍ୱତନ୍ତ୍ର ଟିମ୍ ଏହି ଜିଲାର ବନ୍ତ ବ୍ଲକ୍ର କେନ୍ଦୁଆପଦା ଏବଂ ନିଳୋକ ଛକରୁ ୮୦ ଲିଟର ଦେଶୀ ମଦ ସହ ୨ଟି ମୋଟର ସାଇକେଲ୍ ଜବତ କରି କେନ୍ଦୁଝର ଜିଲା ଆନନ୍ଦପୁର କାଠକଟା ଗ୍ରାମର ସହଦେବ ନାୟକ ଓ ସେହି ଗ୍ରାମର ପ୍ରଶାନ୍ତ ନାୟକ ଏବଂ ଭଦ୍ରକ ଗ୍ରାମାଞ୍ଚଳ ଥାନା ଅଧୀନସ୍ଥ ଆମ୍ବଗଡିଆ ଗ୍ରାମର ନିତ୍ୟାନନ୍ଦ ଜେନାଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।
ଦେଶୀ ମଦ ସହ ୨ଟି ବାଇକ୍ ଜବତ, ୩ ଗିରଫ
