ଦେବାଶିଷ ପାଣିଗ୍ରାହୀଙ୍କ ବିୟୋଗରେ ପିସିସି ସଭାପତିଙ୍କ ଶୋକ

ଭୁବନେଶ୍ୱର ୧୯.୬ (ଓଡ଼ିଆ ପୁଅ) – ରାଜ୍ୟର ବରିଷ୍ଠ ପ୍ରଶାସନିକ ଅଧିକାରୀ ଡ.ଦେବାଶିଷ ପାଣିଗ୍ରାହୀଙ୍କ ଅକାଳ ବିୟୋଗରେ ପିସିସି ସଭାପତି ଶ୍ରୀ ନିରଞ୍ଜନ ପଟ୍ଟନାୟକ ଗଭୀର ଶୋକବ୍ୟକ୍ତ କରିଛନ୍ତି। ସେ ଶୋକବାର୍ତାରେ ପ୍ରକାଶ କରି କହିଛନ୍ତି ଡ.ପାଣିଗ୍ରାହୀ କିଛିଦିନ ତଳେ କରୋନାରେ ଆକ୍ରାନ୍ତ ହୋଇ ଗତ କାଲି ରାତିରେ ପରଲୋକ ହେବା ଜାଣି ମୁଁ ମର୍ମାହତ। ସ୍ୱର୍ଗତ ପାଣିଗ୍ରାହୀ ଜଣେ ଦକ୍ଷ ପ୍ରଶାସକ ଭାବେ ଓଡ଼ିଶା ଭିଜିଲାନ୍ସ ନିର୍ଦ୍ଦେଶକ ଦାୟିତ୍ୱ ନିର୍ଦ୍ଦେଶକ ଏବଂ ସୁ ସାହିତ୍ୟକ ଭାବେ ପରିଚିତ ଥିଲେ। ରାଜ୍ୟ ଜଣେ ଯୋଗ୍ୟ ପ୍ରଶାସକ ଏବଂ ସୁ ସାହିତ୍ୟକଙ୍କୁ ହରାଇଲା। ସ୍ୱର୍ଗତ ପାଣିଗ୍ରାହୀଙ୍କ ଅମର ଆତ୍ମାର ସଦଗତି କାମନା କରି ଶୋକ ସନ୍ତପ୍ତ ପରିବାରବର୍ଗଙ୍କ ପ୍ରତି ଗଭୀର ସମବେଦନା ଜ୍ଞାପନ କରିଛନ୍ତି ଶ୍ରୀ ପଟ୍ଟନାୟକ।