ନୂଆଦିଲ୍ଲୀ,୨୭/୧୦,(ଓଡ଼ିଆ ପୁଅ ପି ନାୟକ): ଆଜି ଉତ୍ତରାଖଣ୍ଡର ଚକରାତା ଓ ପିଥୌରାଗଢରେ ମର୍ମନ୍ତୁଦ ସଡ଼କ ଦୂର୍ଘଟଣା ଘଟିଛି । ଏକ ବୋଲେରୋ ଓଲଟିଯିବାରୁ ଉଭୟ ଦୁର୍ଘଟଣାରେ ୪ ଜଣଙ୍କ ମୃତ୍ୟୁ ଘଟିଛି । ସୂଚନା ଅନୁସାରେ, ଚକରାତାର ଲୋଖଣ୍ଡି-କୋଟୀ ରାସ୍ତାରେ ଏକ ବୋଲେରୋ ଭାରସାମ୍ୟ ହରାଇ ରାସ୍ତାରେ ଓଲଟି ପଡିଆରୁ ଏଥିରେ ଥିବା ପାଖାପାଖି ୮ଜଣ ଲୋକ ଛିଟିକି ହୋଇ ସିଧା ଯାଇ ଖାଇରେ ପଡିଯାଇଥିଲେ । ଫଳରେ ଘଟଣାସ୍ଥଳରେ ହିଁ ଜଣେ ଯୁବକର ମୃତ୍ୟୁ ଘଟିଛି । ଆଉ ଜଣେ ଛୋଟ ପିଲାକୁ ହାୟର ସେଣ୍ଟର ନେବାସମୟରେ ତାର ମୃତ୍ୟ ଘଟିଥିଲା । ଅନ୍ୟ ୬ଜଣଙ୍କୁ ଗମ୍ଭୀର ଭାବେ ଆଘାତ ଲାଗିଛି । ଘଟଣା ସ୍ଥଳରେ ଏସଡିଆରଏଫ୍ ର ଟିମ୍ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ଗୁରୁତର ମାନଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି ।
ଦୀପାବଳୀ ପାଳନ ପାଇଁ ଯାଉଥିବା ବେଳେ ଦୁର୍ଘଟଣା; ୪ ମୃତ
