ନୂଆ ଦିଲ୍ଲୀ ୨୭ ସେପ୍ଟେମ୍ବର (ଓଡ଼ିଆ ପୁଅ) ଦିଲ୍ଲୀ ବିଶ୍ୱବିଦ୍ୟାଳୟ ଏବଂ ଏହାର ଅନୁବନ୍ଧିତ କଲେଜଗୁଡ଼ିକର ବିଭିନ୍ନ ସ୍ନାତକୋତ୍ତର ପାଠ୍ୟକ୍ରମ ପାଇଁ ଏହାର ଆଡମିଶନ ପ୍ରକ୍ରିୟାର ଗୁରୁତ୍ୱପୂର୍ଣ୍ଣ ପର୍ଯ୍ୟାୟ ବର୍ତ୍ତମାନ ଆରମ୍ଭ ହେବାକୁ ଯାଉଛି। କଟ୍ ଅଫ୍ ଲିଷ୍ଟ ପ୍ରକାଶ ପାଇଁ ଦିଲ୍ଲୀ ବିଶ୍ୱବିଦ୍ୟାଳୟ କାର୍ଯ୍ୟସୂଚୀ ପ୍ରକାଶ କରିଛି। ଅକ୍ଟୋବର ୦୧ ରେ ଦିଲ୍ଲୀ ବିଶ୍ୱବିଦ୍ୟାଳୟର ପ୍ରଥମ କଟ୍ ଅଫ୍ ଲିଷ୍ଟ ପ୍ରକାଶ ପାଇବ।
ଦିଲ୍ଲୀ ବିଶ୍ୱବିଦ୍ୟାଳୟ ଦେଇଥିବା ସୂଚନା ଅନୁଯାୟୀ, ପ୍ରଥମ କଟ୍ ଅଫ୍ ଲିଷ୍ଟ ଅକ୍ଟୋବର ୦୧ ରେ, ଦ୍ୱିତୀୟ କଟ୍ ଅଫ୍ ଅକ୍ଟୋବର ୦୯ ରେ, ତୃତୀୟ କଟ୍ ଅଫ୍ ଅକ୍ଟୋବର ୧୬ ରେ, ଅକ୍ଟୋବର ୨୫ ରେ ସ୍ୱତନ୍ତ୍ର କଟ୍ ଅଫ୍, ଅକ୍ଟୋବର ୩୦ ରେ ଚତୁର୍ଥ କଟ୍ ଅଫ୍ ଏବଂ ପଞ୍ଚମ କଟ୍ ଅଫ୍ ନଭେମ୍ବର ୦୮, ୨୦୨୧ ରେ ପ୍ରକାଶ ପାଇବ। ଯଦି ସିଟ୍ ଖାଲିଥାଏ ହୁଏ ତେବେ ସ୍ୱତନ୍ତ୍ର ଡ୍ରାଇଭ୍ କରାଯିବ, ଏଥିପାଇଁ କଟ୍ ଅଫ୍ ନଭେମ୍ବର ୧୩, ୨୦୨୧ ରେ ପ୍ରକାଶ ପାଇବ।
ଏହାପୂର୍ବରୁ, ଅନେକ ଗଣମାଧ୍ୟମ ରିପୋର୍ଟ ଅନୁଯାୟୀ, ଡିୟୁ ଅର୍ଥାତ୍ ଦିଲ୍ଲୀ ବିଶ୍ୱବିଦ୍ୟାଳୟ ଏହି ସପ୍ତାହ ଶେଷ ସୁଦ୍ଧା ୟୁଜି ଆଡମିଶନ ପାଇଁ ପ୍ରଥମ କଟ୍ ଅଫ୍ ଲିଷ୍ଟ ପ୍ରକାଶ କରିବ ବୋଲି ଆଶା କରାଯାଉଛି। କରୋନା ମହାମାରୀ ଯୋଗୁଁ ଚଳିତ ବର୍ଷ ଦିଲ୍ଲୀ ୟୁନିଭରସିଟି ୟୁଜି ଆଡମିଶନ ବିଳମ୍ବ ହୋଇଛି। ବିଳମ୍ବ ହେବାର ଏକ ଗୁରୁତ୍ୱପୂର୍ଣ୍ଣ କାରଣ ହେଉଛି ସମଗ୍ର ଦେଶରେ ଦ୍ୱାଦଶ ଶ୍ରେଣୀର ଫଳାଫଳ ବିଳମ୍ବ।