ଦିବ୍ୟାଙ୍ଗ ବାଳକଙ୍କୁ ମିଳୁନି ଭତ୍ତା

ଭଦ୍ରକ, ୧୪ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ତିହିଡ଼ି ବ୍ଲକ ବାମନବିନ୍ଧା ପଞ୍ଚାୟତ ଅଧୀନ ଖେଦରପୁର ଗ୍ରାମର ଚିରଞ୍ଜିତ୍ ମହାନ୍ତି (୧୩) ନାମକ ଜଣେ ଦିବ୍ୟାଙ୍ଗ ବାଳକଙ୍କୁ ଭତ୍ତା ମିଳୁନଥିବା ଅଭିଯୋଗ ହୋଇଛି । ଦିବ୍ୟାଙ୍ଗ ଚିରଞ୍ଜିତ୍‌ଙ୍କ ପରିବାର ବାରମ୍ବାର ଭତ୍ତା ପାଇଁ ଆବେଦନ କରୁଥିଲେ ମଧ୍ୟ ତାଙ୍କୁ ଭତ୍ତା ମିଳି ପାରୁନାହିଁ । ଚିରଞ୍ଜିତ୍ ୬୦ଭାଗ ମାନସିକ ଅଗ୍ରସର ଦିବ୍ୟାଙ୍ଗ ଭାବେ ପ୍ରମାଣପତ୍ର ପାଇଛନ୍ତି । ତାଙ୍କ ପରିବାର ଦାରିଦ୍ର‌୍ୟ ସୀମାରେଖା ତଳେ ଥିବା ବେଳେ ଚଳିବା ପାଇଁ ଅସୁବିଧାରେ ସମ୍ମୁଖୀନ ହେଉଛନ୍ତି । ଯେଉଁଥିପାଇଁ ମାନସିକ ଅନଗ୍ରସର ପିଲାଟି ତାଙ୍କ ପାଇଁ ବୋଝ ସଦୃଶ ହୋଇପଡ଼ିଛି । ସେ ସରକାରଙ୍କ ଠାରୁ ଭତ୍ତା ପାଇଲେ ନିଜର ଖର୍ଚ୍ଚ ତୁଲାଇ ପାରିବା ସହିତ ପରିବାର ଉପରେ ଆର୍ଥିକ ବୋଝରୁ ମୁକ୍ତ କରିପାରନ୍ତେ । ତେବେ ତୁରନ୍ତ ତାଙ୍କୁ ଭତ୍ତା ଦେବା ପାଇଁ ପ୍ରଶାସନ ନିକଟରେ ପରିବାର ସହିତ ପୀରହାଟ ପ୍ରଦେଶ ସେବା ସଂଗଠନର ସଭାପତି ରଂଜନ ମିଶ୍ର ଦାବି କରିଛନ୍ତି ।