ଦିବ୍ୟାଙ୍ଗକୁ ଟ୍ରାଇସାଇକେଲ ପ୍ରଦାନ

ଭଦ୍ରକ, ୬ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ବନ୍ତ ବ୍ଲକ୍ ଗୋବିନ୍ଦପୁର ପଞ୍ଚାୟତ ସ୍ଥିତ ଅଣ୍ଢିଆ ଗ୍ରାମର ଅଲେଖ ଧଳଙ୍କ ପୁଅ ଅମର ପ୍ରସାଦ ଧଳଙ୍କୁ ଆଜି ବ୍ଲକ୍ ତରଫରୁ ଏକ ଟ୍ରାଇସାଇକେଲ ବଣ୍ଟନ କରାଯାଇଛି । ଅମର ଜଣେ ଦିବ୍ୟାଙ୍ଗ ବ୍ୟକ୍ତି ହୋଇଥିବାରୁ ଯାତାୟତ ପାଇଁ ପୂର୍ବରୁ ବ୍ଲକ୍ ତରଫରୁ ଏକ ଟ୍ରାଇସାଇକେଲ ଯୋଗାଇ ଦିଆଯାଇଥିଲା । ଉକ୍ତ ଟ୍ରାଇସାଇକେଲଟି ଭାଙ୍ଗି ଯାଇଥିବାରୁ ଏବିଡିଓ ନିଶିକାନ୍ତ ଖୁଣ୍ଟିଆ, ଭାରପ୍ରାପ୍ତ ସାମାଜିକ ସୁରକ୍ଷାଧିକାରୀ ନିଶାକାର ଖୁଣ୍ଟିଆ, ସମିତିସଭ୍ୟ ରବିନ୍ଦ୍ର ନାଥ ଧଳ, ସାମାଜିକ ସୁରକ୍ଷା ବିଭାଗର ସହକାରୀ କର୍ମଚାରୀ ଲକିପ୍ରଭା ଜେନାଙ୍କ ଉପସ୍ଥିତିରେ ଆଜି ତାଙ୍କୁ ଏକ ନୂତନ ଟ୍ରାଇସାଇକେଲ ପ୍ରଦାନ କରାଯାଇଥିଲା ।