ଦିନବନ୍ଧୁ ରାଉତ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ; ମା’ତାରେଣୀ ଟିମ ଚାମ୍ପିଅନ

ଭଦ୍ରକ, ୨୮ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଣ୍ଡାରିପୋଖରୀ ବ୍ଳକ ଅନ୍ତର୍ଗତ ଜଳମଣ୍ଡୁଆ ପଞ୍ଚାୟତ ଚନ୍ଦ୍ରପୁର ଖେଳପଡିଆରେ ଅନୁଷ୍ଠିତ ଦିନବନ୍ଧୁ ରାଉତ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରିଥିବା ୧୬ଟି ଦଳ ମଧ୍ୟରୁ ବେତଡା ପଞ୍ଚାୟତ ଅଣ୍ଢେଇପଲ୍ଲୀର ପବ୍‌ଜୀ ଦଳ ଓ ଧାବନଗର ମା’ତାରେଣୀ କ୍ରିକେଟ ଦଳ ମଧ୍ୟରେ ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା । ମା’ତାରେଣୀ କ୍ରିକେଟ ଦଳ ବିଜୟୀ ହୋଇ ଚାମ୍ପିଅନ ହୋଇଥିଲା । ବିଜୟୀ ଦଳର ଖେଳାଳୀ ଦୀପକ ବିଶ୍ୱାଳ ବେଷ୍ଟ ବୋଲର, ସୁଶାନ୍ତ ସାହୁ ବେଷ୍ଟ ଉଇକେଟ କିପର, ତୁଫାନ ସାହୁ ମ୍ୟାନ ଅଫ ଦି ମ୍ୟାଚ ତନ୍ମୟସେନ ଦାସ ମ୍ୟାନ ଅଫ ଦି ସିରିଜ ବିବେଚିତ ହୋଇଥିଲେ । ଦୀପକ ପ୍ରଧାନ ଓ ସମ୍ବିତ ରାଉତ ଅମ୍ପାୟାର ଭାବେ ମ୍ୟାଚ ପରିଚାଳନା କରିଥିଲେ । ଏବଂ ଖେଳ ଶେଷରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ଭାରତୀୟ ଜନତା ପାର୍ଟି ରାଜ୍ୟକାର୍ଯ୍ୟକାରିଣୀ ସଦସ୍ୟ ବଦ୍ରୀନାରାୟଣ ଧଳ ମୁଖ୍ୟଅତିଥି ଓ ବଳରାମ ସାମଲ ସମ୍ମାନିତ ଅତିଥି ଭାବେ ଯୋଗଦେଇ ଚାମ୍ପିଅନ ଓ ରନରସପ ଦଳକୁ ପୁରସ୍କୃତ କରିଥିଲେ । ଜୟଦେବ ସାମଲ, ଆଲୋକ ରାଉତ, ରାକେଶ ରାଉତ, ଅଭୟ ରାଉତ, ପ୍ରଦୀପ ସାମଲ ପ୍ରମୁଖ ଯୁବକସଂଘ ସଦସ୍ୟମାନେ ଟୁର୍ଣ୍ଣାମେଣ୍ଟ ପରିଚାଳନା କରିଥିଲେ ।