ତିହିଡି଼ର ୨୧୮ ବୁଥରେ ପ୍ରକାଶ ପାଇଲା ଖସଡ଼ା ଭୋଟର ତାଲିକା, ତାଲିକାରୁ ବାଦ ଯୋଗ୍ୟ ଭୋଟର ଅଗଷ୍ଟ ୪ମଧ୍ୟରେ ଅଭିଯୋଗ କରିବେ

ଭଦ୍ରକ, ୬ା୭ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲ୍ଲା ତିହିଡି଼ ବ୍ଲକର ଭୋଟର ତାଲିକାର ସ୍ୱତନ୍ତ୍ର ସଘନ ସଂଶୋଧନ (ଏସଆଇଆର)ଅବସରରେ ୨୨୮ବୁଥର ଖସଡ଼ା ଭୋଟର ତାଲିକା ପ୍ରକାଶ ପାଇଛି। ଧାମନଗର ନିର୍ବାଚନ ମଣ୍ଡଳୀ ଅଧୀନ ତିହିଡି଼ ବ୍ଲକର ୧୩ ପଂଚାୟତର ୯୧, ବାସୁଦେବପୁର ନିର୍ବାଚନ ମଣ୍ଡଳୀ ଅଧୀନ ବ୍ଲକର ୯ ପଞ୍ଚାୟତର ୬୭ ଏବଂ ଚାନ୍ଦବାଲି ନିର୍ବାଚନ ମଣ୍ଡଳୀ ଅଧୀନ ବ୍ଲକର ୯ ପଞ୍ଚାୟତର ୬୦ବୁଥରେ ଏହି ତାଲିକା ପ୍ରକାଶ ପାଇଥିବା ଜଣାଯାଇଛି । ବ୍ଲକର ୨୧୮ବୁଥରେ ସହକାରୀ ନିର୍ବାଚନ ପଞ୍ଜିକରଣ ଅଧିକାରୀ ତଥା ବିଡ଼ିଓ ନିରଞ୍ଜନ ବାରିକଙ୍କ ପ୍ରତ୍ୟକ୍ଷ ତତ୍ୱାବଧାନ ଏବଂ ବ୍ଲକସ୍ତରୀୟ ଅଧିକାରୀଙ୍କ ଉପସ୍ଥିତିରେ ଏସଆଇଆର କାର୍ଯ୍ୟ ଚାଲିଥିଲା । ତାଲିକାରେ ଯୋଗ୍ୟ ଭୋଟର ଅନ୍ତର୍ଭୁକ୍ତ ହେବା, ଅଯୋଗ୍ୟ ଭୋଟରଙ୍କୁ ବାଦ ଦିଆଯିବା, ତାଲିକାକୁ ସ୍ୱଚ୍ଛ ଓ ତ୍ରୁଟିଶୂନ୍ୟ କରିବାକୁ କାର୍ଯ୍ୟକ୍ରମରେ ଲକ୍ଷ୍ୟ ରଖାଯାଇଥିଲା । ତେବେ ତାଲିକାରୁ ଯଦି ଯୋଗ୍ୟ ଭୋଟର ବାଦ ପଡ଼ିଥାନ୍ତି ତେବେ ଆସନ୍ତା ମାସ ୪ତାରିଖ ମଧ୍ୟରେ ସେମାନେ ଅଭିଯୋଗ କରିପାରିବେ ବୋଲି ବିଡ଼ିଓ ବାରିକ ସୂଚନା ଦେଇଛନ୍ତି ।