ନୂଆ ଦିଲ୍ଲୀ ୫-୨ (ଓଡ଼ିଆ ପୁଅ) ମହାରାଷ୍ଟ୍ରର ଗୋଣ୍ଡିଆ ଜିଲ୍ଲାରେ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ପିତା ନିଜର ୨୦ ମାସର ଝିଅକୁ ମାତ୍ର ପାଞ୍ଚ ଟଙ୍କା ପାଇଁ ହତ୍ୟା କରିଛି। ସୂଚନା ଅନୁଯାୟୀ, ଝିଅଟି ବହୁତ କାନ୍ଦୁଥିଲା। ଝିଅକୁ କିଛି ଖାଦ୍ୟ ଦେଇ ଚୁପ୍ କରିବା ପାଇଁ ମାଆ ୫ ଟଙ୍କା ମାଗିଥିଲା ତାଙ୍କ ସ୍ବାମୀଙ୍କୁ। ଏହି କଥାରେ କ୍ରୋଧିତ ହୋଇ ବ୍ୟକ୍ତି ଜଣକ ନିରୀହ ଝିଅକୁ କାନ୍ଥକୁ ଫୋପାଡ଼ି ଦେବା ଫଳରେ ଶିଶୁକନ୍ୟାର ମୃତ୍ୟୁ ହୋଇଛି।
ଏହି ଘଟଣା ଫେବୃଆରୀ ୨ ରେ ଗୋଣ୍ଡିଆ ଜିଲ୍ଲାର ଲୋନାରା ଗ୍ରାମରେ ଘଟିଥିଲା। ପ୍ରକୃତରେ ୨୮ ବର୍ଷୀୟ ବିବେକ ମଙ୍ଗଳବାର ଡ୍ୟୁଟି ସାରି ଘରକୁ ଫେରିଥିଲା। ସେତେବେଳେ ତାଙ୍କର ୨୦ ମାସର ଝିଅ ବୈଷ୍ଣବୀ କାନ୍ଦୁଥିଲା। ମାତା (ବର୍ଷା) ବିବେକଙ୍କୁ ପିଲାକୁ ନୀରବ କରିବା ପାଇଁ କିଛି ଖାଦ୍ୟ କିଣିବାକୁ ପାଞ୍ଚ ଟଙ୍କା ମାଗିଥିଲେ। ଏଥିରେ ସେ କ୍ରୋଧିତ ହୋଇ ନିରୀହ ଝିଅକୁ ଉଠାଇ କୋଠରୀରୁ ବାହାରକୁ ନେଇଥିଲା ଏବଂ ସିଧାସଳଖ କାନ୍ଥରେ ପିଟି ଦେଇଥିଲା।
ଯେତେବେଳେ ବର୍ଷା ଅଟକାଇବାକୁ ଚେଷ୍ଟା କରିଥିଲା, ବିବେକ ତାଙ୍କୁ ମଧ୍ୟ ମାରପିଟ୍ କରି ଆକ୍ରମଣ କରିଥିଲେ। ବର୍ଷା ଗୁରୁତର ଆହତ ଝିଅକୁ ନେଇ ତିରୋଡା ଉପ-ଜିଲ୍ଲା ଡାକ୍ତରଖାନାରେ ପହଞ୍ଚିଥିଲା, ଯେଉଁଠାରେ ଡାକ୍ତରମାନେ ଆଡମିଟ୍ କରିବା ପୂର୍ବରୁ ଶିଶୁଟିକୁ ମୃତ ଘୋଷଣା କରିଥିଲେ। ଏହି ଘଟଣା ପରେ ବିବେକଙ୍କ ବିରୋଧରେ ପୋଲିସ ଷ୍ଟେସନରେ ଅଭିଯୋଗ କରିଥିଲେ ବର୍ଷା। ପୋଲିସ ଅଭିଯୁକ୍ତ ବାପାଙ୍କୁ ଗିରଫ କରିଛି।