ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକଙ୍କୁ ପଟ୍ଟଚିତ୍ର ପ୍ରଦାନ

ଭଦ୍ରକ, ୪ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଆଗରପଡ଼ା ନିକଟସ୍ଥ ଚକ୍ରାପାଢ଼ି ଗ୍ରାମର ପଟ୍ଟଚିତ୍ର ଶିଳ୍ପୀ ନମିତା ବେହେରା ଆଜି ବାଲେଶ୍ୱର ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକଙ୍କୁ ଭେଟି ପଟ୍ଟଚିତ୍ର ପ୍ରଦାନ କରିଛନ୍ତି । ଜିଲ୍ଲାପାଳ ଦତାତ୍ରେୟ ଭାଓସାହେବ ଶିନ୍ଦେ,ଆରକ୍ଷୀ ଅଧିକ୍ଷକ ସାଗରିକା ନାଥଙ୍କୁ ତାଙ୍କ କାର୍ଯ୍ୟାଳୟରେ ଭେଟି ଅବିକଳ ନକଲ ପଟ୍ଟଚିତ୍ର ପ୍ରଦାନ କରି ଆଶ୍ରୀବାଦ ଲୋଡ଼ିଛନ୍ତି । ଉଭୟ ଅଧିକାରୀ ଦ୍ୱୟ ନମିତାଙ୍କ ଉତ୍ତୋରତର ଉନ୍ନତି କାମନା କରିଥିବା ବେଳେ ଭବିଷ୍ୟତରେ ଉଚ୍ଚ ଆଶାନେଇ କାର୍ଯ୍ୟ କରିବାକୁ ପରାମର୍ଶ ଦେଇଥିଲେ । ଏହି ପଟ୍ଟଚିତ୍ର ପ୍ରଦାନ ବେଳେ ନମିତାଙ୍କ ପିତା ରବିନାରାୟଣ ବେହେରା ଉପସ୍ଥିତ ଥିଲେ । ଏଥି ପୂର୍ବରୁ ନମିତା ୫ଶହରୁ ଉର୍ଦ୍ଧ ବିଶିଷ୍ଟ ବ୍ୟକ୍ତି ବିଶେଷଙ୍କୁ ପଟ୍ଟଚିତ୍ର ପ୍ରଦାନ କରି ସାରିଛନ୍ତି । ସେମାନଙ୍କ ମଧ୍ୟରେ ମହାମହିମ ରାଷ୍ଟ୍ରପତି ଦ୍ରୋପଦି ମୁର୍ମୁ,୫-ଟି ସଚିବ ଭି.କେ ପାଣ୍ଡିଆନ୍‌,ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ,ଭଦ୍ରକ ସାଂସଦ ମଞ୍ଜୁଲତା ମଣ୍ଡଳ,ଭଣ୍ଡାରିପୋଖରୀ ବିଧାୟକ,ଧାମନଗର ବିଧାୟକ,ଭଦ୍ରକ ଜିଲ୍ଲାପାଳ,ଆରକ୍ଷୀ ଅଧିକ୍ଷକ ପ୍ରମୁଖ ରହିଛନ୍ତି ।