ଭଦ୍ରକ, ୬ା୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଜିଲ୍ଲାପାଳ ଡ. ଜ୍ଞାନ ଦାସ ଆଜି ଅଚାନକ ଅନ୍ୟ ଅଧିକାରୀଙ୍କ ସହିତ ନୂଆ ବସ୍୍ଷ୍ଟାଣ୍ଡ ନିକଟ ଦକ୍ଷିଣେଶ୍ୱରୀ କାଳୀମନ୍ଦିରକୁ ଲାଗି ରହିଥିବା ଆହାର କେନ୍ଦ୍ର ପରିଦର୍ଶନ କରିଥିଲେ । ତାଙ୍କ ସହିତ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ମଧୁସୂଦନ ଦାସ, ଦୁଇଜଣ ଅତିରିକ୍ତ ଜିଲ୍ଲାପାଳ ଅରୁଣ କୁମାର ମହାପାତ୍ର ଏବଂ ଇନ୍ଦ୍ରମଣି ନାୟକ, ସିଡିଏମ୍ଓ ଡାକ୍ତର ସନ୍ତୋଷ ପାତ୍ର ପ୍ରମୁଖ କେନ୍ଦ୍ର ପରିଦର୍ଶନ କରିବା ସହିତ ଆହାର କେନ୍ଦ୍ରରେ ଭୋଜନ କରିଥିଲେ । ପ୍ରସ୍ତୁତ ଖାଦ୍ୟର ମାନକୁ ନେଇ ଅଧିକାରୀଗଣ ସନ୍ତୋଷ ପ୍ରକଟ କରିବା ସହିତ ଆହାର କେନ୍ଦ୍ରକୁ ଅଧିକ ହାଇଜେନିକ କରିବା ପାଇଁ କେନ୍ଦ୍ର ପରିସର ଓ ବାହାରକୁ ପରିସ୍କାର ପରିଚ୍ଛନ୍ନ ରଖିବାକୁ ପରାମର୍ଶ ଦେଇଥିଲେ ।
ଜିଲ୍ଲାପାଳଙ୍କ ଅଚାନକ ଆହାର କେନ୍ଦ୍ର ପରିଦର୍ଶନ ଓ ଭୋଜନ
