ହରିଚନ୍ଦନପୁର,ତା ୧୬ ଅଗଷ୍ଟ (ଓଡ଼ିଆ ପୁଅ/ପ୍ରେମାନନ୍ଦ ଦାସ) କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା ଅନ୍ତର୍ଗତ ଆଖୁପାଳ (ଗମ୍ଭାରିଆ ଛକ) ନିକଟରେ ଛିଡ଼ା ହୋଇଥିବା ଟ୍ରଲର ପଛରେ ଧକ୍କା ଦେଲା ବାଇକ୍, ଘଟଣାସ୍ଥଳରେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି । ମିଳିଥିବା ଖବର ଅନୁଯାୟୀ ବିଦ୍ୟୁତ୍ ଖୁଣ୍ଟ ଲୋଡ୍ ହୋଇ ଗମ୍ଭାରିଆ ଛକ ନିକଟରେ ଟ୍ରଲରଟି ଛିଡା ହୋଇଥିଲା । ସନ୍ଧ୍ୟା ୭.୩୦ ସମୟରେ ହରିଚନ୍ଦନପୁର ଠାରୁ ଯୁବକ ଜଣଙ୍କ ବାଇକ୍ ଯୋଗେ ଘର ଅଭିମୁଖେ ଫେରୁଥିଲେ । ହେଲେ ଅନୁମାନ କରାଯାଉଛି, ବାଇକର ଲାଇଟ୍ କମ୍ ଯୋଗୁଁ ଛିଡା ହୋଇଥିବା ଟ୍ରଲର ଉପରେ ଯୁବକଙ୍କ ନଜର ପଡିଲାନାହିଁ । ଫଳରେ ଟ୍ରଲର ପଛରେ ବାଇକଟି ଧକ୍କା ଦେଇଥିଲା, ଆରୋହୀ ଜଣଙ୍କ ଟ୍ରଲର ପଛରେ ପିଟି ହୋବା କାରଣରୁ ସେଠାରେ ଯୁବକଙ୍କ ମୃତ୍ୟୁ ଘଟିଥିବା ଜଣାପଡିଛି । ଘଟଣାର ଖବର ପାଇ ହରିଚନ୍ଦନପୁର ଅଗ୍ନିଶମ ବାହିନୀ ଓ ୧୦୮ ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚି ରକ୍ତାକ୍ତ ଅବସ୍ଥାରେ ଯୁବକଙ୍କୁ ଉଦ୍ଧାର କରି ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଇଥିଲେ । ହେଲେ ଚିକିତ୍ସା ଆରମ୍ଭ ପୂର୍ବରୁ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ମୃତ ଯୁବକ ଜଣଙ୍କ ପଣ୍ଡାପଡା ଥାନା ଅନ୍ତର୍ଗତ ପଟ୍ଟାବାରୀ ଗ୍ରାମର ନନ୍ଦୁ ପାତ୍ର ବୋଲି ଜଣାପଡିଥିବା ବେଳେ ସେ ରଙ୍ଗ ମିସ୍ତ୍ରୀ ଭାବେ କାର୍ଯ୍ୟ ପାଇଁ ହରିଚନ୍ଦନପୁର ଅଞ୍ଚଳ ଆସିଥିବା ଜଣାପଡ଼ିଛି । ଘଟଣାର ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଉଭୟ ଗାଡ଼ିକୁ ଜବତ୍ କରିବା ସହ ଘଟଣାର ତଦନ୍ତ ଆରମ୍ଭ କରିଛି ।
ଛିଡ଼ା ହୋଇଥିବା ଟ୍ରଲର ପଛରେ ଧକ୍କା ଦେଲା ବାଇକ୍, ଘଟଣାସ୍ଥଳରେ ବାଇକ୍ ଆରୋହୀ ମୃତ୍
