ନୂଆ ଦିଲ୍ଲୀ ୩୧-୧୨ (ଓଡ଼ିଆ ପୁଅ) ବହୁ ଆଶା ବହୁ ସ୍ୱପ୍ନ ନେଇ ଜଣେ ପୁରୁଷ ଆଶା କରିଥାଏ ଗୋଟିଏ ଭଲ ଜୀବନ ସାଥୀ ପାଇବାକୁ। ସେଥିପାଇଁ ବହୁ ଧୁମ୍ଧାମ୍ରେ ବରଯାତ୍ରୀ ନେଇଯାଇଥାଏ କନିଆ ଆଣିବାକୁ। କିନ୍ତୁ ବେଳେ ବେଳେ ଏମିତି ଆଜିକାଲି ଘଟଣା ଘଟିଲାଣିଯେ, ସମସ୍ତେ ଆଶ୍ଚର୍ଯ୍ୟ ହୋଇଯାଉଛନ୍ତି। ଏହିପରି ଏକ ଅନନ୍ୟ ଘଟଣା ଘଟିଛି ୟୁପିର ମିରଟରେ। ଜଣେ ପୁରୁଷଙ୍କ ବିବାହର ସୁଖ ମଉଳିଗଲା ଯେତେବେଳେ ସ୍ୱାମୀ ଜାଣିବାକୁ ପାଇଲା ଯେ ବିବାହ ପରେ ଚଉଠି ରାତିରେ ତା’ ପତ୍ନୀ ୫ ମାସ ଗର୍ଭବତୀ ବୋଲି। ଏହି ଖବର ପରିବାରରେ ଏକ ଝଡ଼ ସୃଷ୍ଟି କଲା। ସ୍ୱାମୀ ସିଧା ପହଁଞ୍ଚିଲା ପୋଲିସ ପାଖରେ।
ସ୍ୱାମୀର ଅଭିଯୋଗ
ସ୍ୱାମୀ ପୋଲିସ୍ ପାଖରେ ପହଁଞ୍ଚି ଅଭିଯୋଗ କଲାଯେ, ତାଙ୍କ ପତ୍ନୀଙ୍କ ଗର୍ଭଧାରଣ ବିଷୟରେ ଶଶୁର ଘରକୁ କହିଲା ପରେ ଶ୍ୱଶୁରଘର ଲୋକ ତାଙ୍କୁ ମିଥ୍ୟା ମାମଲାରେ ଫଶାଇ ଦେବେ ବୋଲି ଧମକ ଦେଇଥିଲେ। କେବଳ ଏତିକି ନୁହେଁ, ବର୍ତ୍ତମାନ ସେମାନେ ତାଙ୍କଠାରୁ ୧୦ ଲକ୍ଷ ଟଙ୍କା ଦାବି କରୁଛନ୍ତି।
ବର୍ତ୍ତମାନ ସେହି ବ୍ୟକ୍ତି ନ୍ୟାୟ ଆଶାରେ ମିରଟ ଏସଏସପି କାର୍ଯ୍ୟାଳୟରେ ପହଞ୍ଚିଛନ୍ତି ଯେଉଁଠାରେ ସେ ଏକ ଲିଖିତ ଅଭିଯୋଗ କରିଛନ୍ତି ଏବଂ ପୋଲିସ ପକ୍ଷରୁ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ଏଥିସହିତ ବରର ପିତା କହିଛନ୍ତି ଯେ ବିବାହ ଦିନ ରାତିରେ କନ୍ୟା କହିଥିଲେ ଯେ ତାଙ୍କ ପେଟରେ ଯନ୍ତ୍ରଣା ହେଉଛି। କିନ୍ତୁ ତା ଉପରେ କେହି ଧ୍ୟାନ ଦେଲେ ନାହିଁ। ବୋଧ ହୁଏ ଉପବାସ କାରଣରୁ ଏହା ହେଉଥିବ ବୋଲି ଭାବି ଧ୍ୟାନ ଦେଇନଥିଲେ।
ଯାଆଁଳା ପିଲାମାନେ ପେଟରେ ବଢ଼ୁଛନ୍ତି
କିନ୍ତୁ ଯେତେବେଳେ ସ୍ୱାମୀ ସନ୍ଦେହ କଲେ, ସେ ଏହା ତାଙ୍କ ମା’ଙ୍କୁ କହିଥିଲେ। ଏହା ପରେ ପତ୍ନୀ (ନବ ବିବାହିତା) ଡାକ୍ତରଖାନାକୁ ନିଆଯାଇଥିଲା, ଯେଉଁଠାରେ ଅଲଟ୍ରାସାଉଣ୍ଡ ରିପୋର୍ଟ ଦେଖିବା ପରେ ସ୍ୱାମୀ ଏବଂ ତାଙ୍କ ପରିବାର ସଦସ୍ୟଙ୍କ ପାଦ ତଳୁ ଭୂଇଁ ଖସି ଯାଇଥିଲା।
ଅଲଟ୍ରାସାଉଣ୍ଡ ରିପୋର୍ଟରେ ଉକ୍ତ ମହିଳା ୫ ମାସର ଗର୍ଭବତୀ ହୋଇଥିଲେ ଏବଂ ତାଙ୍କ ପେଟରେ ଯାଆଁଳା ଶିଶୁଙ୍କ ବଢ଼ୁଥିବା ଦେଖିବାକୁ ମିଳିଥିଲା। ତେବେ ପତ୍ନୀଙ୍କ ପରିବାର ସଦସ୍ୟ ଏହାକୁ ଗ୍ରହଣ କରିବାକୁ ମନା କରୁଛନ୍ତି ଏବଂ ବର ପରୋକ୍ଷରେ ସମ୍ପୃକ୍ତ ଥିବା ଧମକ ଦେଉଛନ୍ତି। ବର୍ତ୍ତମାନ ଏପର୍ଯ୍ୟନ୍ତ, ଏହି ମାମଲାରେ ପୋଲିସ ଅଧିକାରୀମାନେ ତଦନ୍ତ କରିବା ପରେ ଉଚିତ କାର୍ଯ୍ୟାନୁଷ୍ଠାନ ନିଆଯିବ ବୋଲି ଜଣାପଡ଼ିଛି।