ନୂଆଦିଲ୍ଲୀ ୧୫ ମଇ (ଓଡ଼ିଆ ପୁଅ) ଶକୁନ୍ତଲା ଗାଇକୱାଡ ନାମକ ଜଣେ ବୃଦ୍ଧ ମହିଳାଙ୍କ କରୋନା ରିପୋର୍ଟ କିଛି ଦିନ ପୂର୍ବରୁ ସକାରାତ୍ମକ ଆସିଥିଲା। କିଛି ଦିନ ସେ ଘରେ ବିଚ୍ଛିନ୍ନ ବାସରେ ଥିଲେ। ବୃଦ୍ଧାବସ୍ଥା ହେତୁ ତାଙ୍କ ଅବସ୍ଥା ବିଗିଡି ଯାଇଥିଲା, ପରେ ପରିବାର ଲୋକ ତାଙ୍କୁ ବାରାମତି ହସ୍ପିଟାଲ ନେବାକୁ ନିଷ୍ପତ୍ତି ନେଇଥିଲେ। ୧୦ ମଇରେ ବୃଦ୍ଧ ମହିଳାଙ୍କୁ ବ୍ୟକ୍ତିଗତ ଗାଡି ଯୋଗେ ବାରାମତିକୁ ନିଆଯାଇଥିଲା।
ପରିବାର ଲୋକେ ବାରାମତିରେ ତାଙ୍କ ପାଇଁ ଏକ ଡାକ୍ତରଖାନାରେ ଶଯ୍ୟା ସୁରକ୍ଷିତ କରିବାକୁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ। ସେମାନେ କାରରେ ଅପେକ୍ଷା କରିଥିବା ବେଳେ ମହିଳା ଜଣକ ବେହୋସ୍ ହୋଇଯାଇଥିଲେ। ପରିବାର ଲୋକ ଅନୁମାନ କଲେ ଯେ, ମହିଳାଙ୍କ ମୃତ୍ୟୁ ଘଟିଛି। ଶେଷ ସଂସ୍କାର ବିଷୟରେ ସେ ତାଙ୍କ ପରିବାର ଲୋକମାନଙ୍କୁ ମଧ୍ୟ ସୂଚନା ଦେଇସାରିଥିଲେ। ପରିବାର ଲୋକେ ତାଙ୍କୁ ଘରକୁ ନେଇ ଆସିଲେ ଶବଦାହ ପାଇଁ ପ୍ରସ୍ତୁତି ଆରମ୍ଭ କଲେ। ପରିବାର ଲୋକେ ଶୋକ ପ୍ରକାଶ କରୁଥିବା ବେଳେ ତାଙ୍କୁ କୋକେଇରେ ଶୁଆଇ ଦିଆଗଲା। ଏହା ପରେ ଆଶ୍ଚର୍ଯ୍ୟଜନକ ଭାବରେ ହଠାତ୍ ମହିଳା ଜଣକ ଉଠିପଡ଼ି କାନ୍ଦିବାକୁ ଲାଗିଲେ ଏବଂ ତା’ପରେ ଆଖି ଖୋଲିଲେ।
ଏଥିରେ ଆଶ୍ଚର୍ଯ୍ୟ ହୋଇ ତାଙ୍କ ପରିବାର ତାଙ୍କୁ ଡାକ୍ତରଖାନା ନେଇଥିଲେ। ପୋଲିସ୍ ନିଶ୍ଚିତ କରିଛିଯେ, ବାରାମାତିର ମୁଦାଲେ ଗ୍ରାମରେ ଏହି ଘଟଣା ଘଟିଛି। ଏହି ସମୟରେ ମହିଳାଙ୍କୁ ଅଧିକ ଚିକିତ୍ସା ପାଇଁ ବାରାମାତିର ସିଲଭର ଜୁବୁଲି ହସ୍ପିଟାଲରେ ଭର୍ତ୍ତି କରାଯାଇଛି, ସେ ଏବେ ଜୀବିତ ଅଛନ୍ତି ଏବଂ ଚିକିତ୍ସାଧିନ ଅବସ୍ଥାରେ ଅଛନ୍ତି।