ଭୁବନେଶ୍ୱର, ୦୬/୧୨ (ଓଡ଼ିଆ ପୁଅ) : କଂଗ୍ରେସ ଗୃହ ଚଳାଇବାକୁ ରାଜି ଅଛି ବୋଲି ଶ୍ରୀ ନରସିଂହ ମିଶ୍ର କହିବା ଅତ୍ୟନ୍ତ ଦୁର୍ଭାଗ୍ୟଜନକ। କାରଣ ସାରା ଓଡିଶା ଦେଖୁଛି କଂଗ୍ରେସ କିଭଳି ଗୃହ କାର୍ଯ୍ୟରେ ବାଧା ସୃଷ୍ଟି କରୁଛି ଏବଂ ଗୃହ ଚାଲିବାକୁ ଦେଉନାହିଁ ବୋଲି କହିଛନ୍ତି ବିଜେଡି ବିଧାୟକ ଅତନୁ ସବ୍ୟସାଚୀ ନାୟକ।
ଆଜି ଏଠାରେ ଏକ ସାମ୍ବାଦିକ ସମ୍ମିଳନୀରେ ଶ୍ରୀ ନାୟକ କହିଛନ୍ତି ଯେ ଓଡ଼ିଶା ବିଧାନସଭା ଅଧିବେଶନର ପ୍ରଥମ ଦିନରୁ କଂଗ୍ରେସ ବିଧାୟକମାନେ ବିଧାନସଭାରେ ବିଧାୟକଙ୍କୁ ପୂରାଇ ନଦେବାକୁ ଚେଷ୍ଟା କରିଥିଲେ। କଂଗ୍ରେସ ବିଧାୟକମାନେ ବିଜେପି ବିଧାୟକଙ୍କ ସହିତ ମିଶି ଓଡ଼ିଶା ବିଧାନସଭାକୁ ଚଳାଇବାକୁ ଦେଉନାହାନ୍ତି। ସାରା ଓଡିଶା ଏହାକୁ ଦେଖୁଛି।
ରାଜ୍ୟ ସରକାର ଜଣେ କାର୍ଯ୍ୟରତ ବିଚାରପତି କିମ୍ବା ଅବସରପ୍ରାପ୍ତ ବିଚାରପତିଙ୍କ ମାଧ୍ୟମରେ ତଦନ୍ତ କରିବାକୁ ଓଡିଶା ହାଇକୋର୍ଟଙ୍କୁ ପତ୍ର ଲେଖିଥିଲେ। ମାନ୍ୟବର ଓଡିଶା ହାଇକୋର୍ଟ ଜଣେ ଅବସରପ୍ରାପ୍ତ ଜିଲ୍ଲା ଜଜ୍ଙ୍କୁ ନିଯୁକ୍ତ କରିଛନ୍ତି। ଆମେ ସମସ୍ତେ ମାନ୍ୟବର ହାଇକୋର୍ଟଙ୍କ ନିଷ୍ପତ୍ତିକୁ ସମ୍ମାନ ଦେବା ଉଚିତ ଏବଂ ଯଦି ଶ୍ରୀ ମିଶ୍ରଙ୍କର କୌଣସି ମତଭେଦ ଅଛି ତେବେ ସେ ଅଦାଲତଙ୍କ ନିକଟକୁ ଯାଇପାରିବେ।
ଶ୍ରୀ ନରସିଂହ ମିଶ୍ର ଅଭିଯୋଗ କରିଛନ୍ତି ଯେ ଓଡ଼ିଶା ସରକାର ଜଣେ ଅବସରପ୍ରାପ୍ତ ଜିଲ୍ଲା ଜଜ୍ଙ୍କ ପାଇଁ କହିଥିଲେ ଯାହା ଭ୍ରମାତ୍ମକ ଏବଂ ଭୁଲ୍ ବୋଲି ଶ୍ରୀ ନାୟକ କହିଛନ୍ତ। ଆମେ ତାଙ୍କୁ ତଥ୍ୟ ଯାଞ୍ଚ କରିବାକୁ ଅନୁରୋଧ କରୁଛୁ।
ପ୍ରମାଣ ନଷ୍ଟ ହେବାର ଅଭିଯୋଗ ହେଉଛି ଏକ ରାଜନୈତିକ ଅଭିଯୋଗ ଯାହା ଶୁଣାକଥା ଏବଂ ଧାରଣାକୁ ଆଧାର କରି ସାମ୍ବାଦିକ ସମ୍ମିଳନୀକୁ ସମ୍ବେଦନଶୀଳ କରିବା ପାଇଁ ହୋଇଥିବା ଜଣାପଡିଛି। ଆମେ ଶ୍ରୀ ନରସିଂହ ମିଶ୍ରଙ୍କୁ ଅନୁରୋଧ କରୁଛୁ ଯଦି ଏ ବାବଦରେ ତାଙ୍କ ନିକଟରେ କୌଣସି ପ୍ରମାଣ ଅଛି ତେବେ ଶ୍ରୀ ମିଶ୍ର କୋର୍ଟଙ୍କ ନିକଟକୁ ଯାଇପାରିବେ ବୋଲି ଶ୍ରୀ ନାୟକ କହିଛନ୍ତି। ଏହି ସାମ୍ବାଦିକ ସମ୍ମିଳନୀରେ ଦଳର ଅନ୍ୟତମ ବିଧାୟିକା ଶ୍ରୀମତୀ ପ୍ରମିଳା ମଲ୍ଲିକ ଉପସ୍ଥିତ ଥିଲେ।