ଗୁଜୁରାଟ ୧୧-୪ (ଓଡ଼ିଆ ପୁଅ) ଗୁଜୁରାଟର ଭରୁଚରେ ଥିବା ଏକ ରାସାୟନିକ କମ୍ପାନୀରେ ଏକ ବଡ଼ ଦୁର୍ଘଟଣା ଘଟିଛି। ଏହି କମ୍ପାନୀର ୫ ଜଣ କର୍ମଚାରୀଙ୍କ ମୃତ୍ୟୁ ଘଟିଛି। ଏହି ଦୁର୍ଘଟଣା ପରେ କମ୍ପାନୀର ଜଣେ କର୍ମଚାରୀ ନିଖୋଜ ଅଛନ୍ତି, ତାଙ୍କୁ ଖୋଜିବା କାମ ଚାଲିଛି। ଘଟଣାସ୍ଥଳରେ ପହଞ୍ଚିଥିବା ପୋଲିସ ଏକ ମାମଲା ରୁଜୁ କରି ଦୁର୍ଘଟଣାର କାରଣ ଅନୁସନ୍ଧାନ ଆରମ୍ଭ କରିଛି।
ସୂଚନାନୁସାରେ, ରବିବାର ବିଳମ୍ବିତ ରାତିରେ ଭରୁଚର ଦେହେଜର ଓମ୍ ଅର୍ଗାନିକ୍ କେମିକାଲ୍ କମ୍ପାନୀରେ ଏହି ବିସ୍ଫୋରଣ ଘଟିଥିଲା। ଏହି ଦୁର୍ଘଟଣା ଏତେ ଭୟଙ୍କର ଥିଲା ଯେ କମ୍ପାନୀରେ କାର୍ଯ୍ୟ କରୁଥିବା ୫ ଜଣ କର୍ମଚାରୀ ଜୀବନ୍ତ ଦଗ୍ଧ ହୋଇଥିଲେ। ବହୁ ଦୂର ପର୍ଯ୍ୟନ୍ତ ବିସ୍ଫୋରଣର ଶବ୍ଦ ଶୁଣାଯାଇଥିଲା।