ଗଛକୁ ଧକ୍କା ଦେଇ ଅଟୋ ଚାଳକର ମୃତ୍ୟୁ

ଭଦ୍ରକ, ୨୮ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଧାମନଗର ବ୍ଲକ ଅନ୍ତର୍ଗତ ବାରିକପୁର- ଗୋବିନ୍ଦପୁର ରାସ୍ତାର ଆଶ୍ରମ ନିକଟରେ ଆଜି ଅପରାହ୍ନରେ ୩ ଟା ସମୟ ରେ ଅଟୋ ଦୁର୍ଘଟଣା ଘଟି ଜଣଙ୍କ ମୃତ୍ୟୁ ଘଟିଛି। ମୃତ୍ୟୁ ଯୁବକ ଜଣକ ବନ୍ତ ବ୍ଲକ କେନ୍ଦୁଆପଦା ଆମ୍ପର ଗ୍ରାମର ପଦ୍ମଲାଭ ମଲିକ ଙ୍କ ପୁଅ ମାନସ (୩୫) ବୋଲି ଜଣାପଡିଛି। ମାନସ ଓ ତାର ସହଯୋଗୀ ଏକ ଡାଲା ଅଟୋ (ଡି-୨୨-ଜେଡ-୩୯୩୬)ରେ ଗୋବିନ୍ଦପୁର ଅଂଚଳ ରୁ ଠାକୁର ମୂର୍ତି ଆଣିବାକୁ ଯାଉଥିଲେ। ଆଶ୍ରମ ନିକଟରେ ଥିବା ଏକ ଗୋଲେଇ ରେ ଗାଡ଼ି ବୁଲାଉଥିବା ବେଳେ ଏକ ଗଛକୁ ଧକ୍କା ଦେଇଥିଲା। ଫଳରେ ଅଟୋ ଚାଳକ ଗୁରୁତର ହୋଇଥିଲେ। ତାଂକୁ ସଂଗେ ସଂଗେ ଆମ୍ବୁଲାନ୍ସ ଯୋଗେ ଭଦ୍ରକ ଡ଼ାକ୍ତରଖାନା ପଠାଇଥିଲେ। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଧାମନଗର ପୁଲିସ ଘଟଣା ସ୍ଥଳେ ପହଂଚି ଦୁର୍ଘଟଣାଗ୍ରସ୍ତ ଅଟୋ କୁ ଜବତ କରିଛି।