ନୂଆ ଦିଲ୍ଲୀ ୨୫-୩ (ଓଡ଼ିଆ ପୁଅ) ଝାଡଖଣ୍ଡର ସାହିବଗଞ୍ଜରେ ଗଙ୍ଗା ନଦୀରେ ଏକ ମାଲବାହୀ ଜାହାଜ ସନ୍ତୁଳନ ହରାଇବାରୁ ୮-୧୦ ଜଣ ନିଖୋଜ ଥିବା କୁହାଯାଉଛି। ଏହି ଜାହାଜରେ ପଥର ଏବଂ ପଥର ଚିପ୍ସ ଭର୍ତ୍ତି ହୋଇଥିବା ୧୪ ଟି ଟ୍ରକ୍ ଥିଲା। ଏହି ଟ୍ରକଗୁଡ଼ିକରେ ଥିବା ଆଠ ଜଣ ଲୋକ ଦୁର୍ଘଟଣା ପରେ ନିଖୋଜ ଅଛନ୍ତି।
ଏହି ଲୋକମାନେ ନଦୀରେ ବୁଡିଯାଇଥିବା ସନ୍ଦେହ କରାଯାଉଛି। ତେବେ ଏପର୍ଯ୍ୟନ୍ତ କୌଣସି ମୃତ୍ୟୁ ନିଶ୍ଚିତ ହୋଇନାହିଁ। ଦୁର୍ଘଟଣାଗ୍ରସ୍ତ ଜାହାଜକୁ ଶୁକ୍ରବାର ଦିନ ପ୍ରାୟ ୧୦ ଟା ସମୟରେ କ୍ଷତିଗ୍ରସ୍ତ ଅବସ୍ଥାରେ ସାହିବଗଞ୍ଜ ଗଙ୍ଗା ଘାଟକୁ ଅଣାଯାଇଛି। ଜାହାଜର କ୍ୟାପଟେନ କହିଛନ୍ତି ଯେ, ଜାହାଜରେ ଥିବା ଗୋଟିଏ ଟ୍ରକରେ ପ୍ରବଳ ବିସ୍ଫୋରଣ ହୋଇଥିଲା। ବୋଧହୁଏ ଟ୍ରକର ଟାୟାର ଫାଟିବା ଯୋଗୁଁ ଏହି ବିସ୍ଫୋରଣ ଘଟିଥାଇପାରେ। ଏହା ପରେ ଜାହାଜଟି ଅସନ୍ତୁଳିତ ହୋଇଗଲା ଏବଂ ଏଥିରେ ଭର୍ତ୍ତି ହୋଇଥିବା ୧୪ ଟି ଟ୍ରକ ମଧ୍ୟରୁ ୫ ଟି ନଦୀରେ ବୁଡ଼ିଗଲା। ଜାହାଜଟି ସାହିବଗଞ୍ଜରୁ ମଣିହାରୀକୁ ଯାଉଥିଲା। ଏହି ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ସାହିବଗଞ୍ଜ ଡିସି ରାମ ନିୱାସ ଯାଦବ ଏବଂ ଏସପି ଅନୁରାନଜନ କିସପୋଟା ଗଙ୍ଗା ଘାଟରେ ପହଞ୍ଚି ଘଟଣା ସମ୍ପର୍କରେ ପଚାରି ବୁଝିଥିଲେ।
ଡେପୁଟି କମିଶନର ରାମ ନିୱାସ ଯାଦବ କହିଛନ୍ତି ଯେ ଏନଡିଆରଏଫ ଟିମକୁ ଏହି ଦୁର୍ଘଟଣା ଖବର କରାଯାଇଛି ଏବଂ ଉଦ୍ଧାର କାର୍ଯ୍ୟ ଶୀଘ୍ର ଆରମ୍ଭ ହେବ। ଦୁର୍ଘଟଣାର କାରଣ ବୈଷୟିକ ତୃଟି ହୋଇପାରେ। ସୂଚନାଯୋଗ୍ୟଯେ, ଝାଡଖଣ୍ଡର ସାହେବଗଞ୍ଜ, ରାଜମହଲ ଏବଂ ପାକୁର ଅଞ୍ଚଳରୁ ପଥର ଗୋଡ଼ିର ଏକ ବଡ଼ ବ୍ୟବସାୟ ଅଛି। ପଥର ଚିପ୍ସ ବୋଝେଇ ଡଜନେ ଟ୍ରକ୍ କାର୍ଗୋ ଜାହାଜ ମାଧ୍ୟମରେ କୋଲକାତା ଏବଂ ଏହାର ଆଖପାଖ ଅଞ୍ଚଳକୁ ପ୍ରତିଦିନ ପଠାଯାଇଥାଏ।
