ଭଦ୍ରକ, ୩୦ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଧାମନଗର ବ୍ଲକ ଖଡ଼ିପଦା ପଂଚାୟତର କାଞ୍ଜିଆପାଳ ଗ୍ରାମରେ ଆଜିଏକ ରାଜନୈତୀକ ହିଂସା ଦେଖିବାକୁ ମିଳିଛି। ଏଥିରେ ଜଣେ ଭିନ୍ନକ୍ଷମ ବ୍ୟକ୍ତି ମଧ୍ୟ ଆହତ ହୋଇ ଧାମନଗର ଡ଼ାକ୍ତରଖାନାରେ ଚିକିତ୍ସି ହେଉଛନ୍ତି। ଘଟଣାରୁ ପ୍ରକାଶ ଯେ ଖଡ଼ିପଦା ପଂଚାୟତର ବିଜେପି ସମର୍ଥୀତ ଜିଲ୍ଳାପରିଷଦ ସରପଂଚ, ସମିତିସଭ୍ୟ ଓ ୱାର୍ଡ଼ମେମ୍ବର ପ୍ରାର୍ଥୀ କାଞ୍ଜିଆପାଳ ଗ୍ରାମକୁ ପ୍ରଚାରରେ ଯାଇଥିବାବେଳେ ଏଥିରେ ମଧ୍ୟ ଅନ୍ୟ କର୍ମୀମାନଙ୍କ ସହିତ ଜଣେ ଭିନ୍ନକ୍ଷମ ବିଜେପି କର୍ମୀ ସୁଜୟ ଦାସ ପିତା ଦୁଃଖି ଦାସ ଏହି ପ୍ରଚାରରେ ଯାଇଥିଲେ। ପ୍ରାର୍ଥୀମାନେ ପ୍ରଚାର ସାରି ଫେରିଥିବାବେଳେ ସୁଜୟ ଘରେଥିବା ଅବସ୍ଥାରେ ବିଜେଡି କର୍ମୀ କୈଳାଶ ଦାସ ପିତା ହରିହର ସୁଜୟକୁ ଗାଳିଗୁଲଜ କରିବା ସହ ଆମଦଳରେ ନରହି କାହିଁକି ବିଜେପିରେ ପ୍ରଚାର କରୁଛୁବୋଲି କହି ତାଙ୍କୁ ଗାଳିଗୁଲଜ କରିଥିଲେ। ଏହି ଅବସରରେ ଉଭୟଙ୍କ ମଧ୍ୟରେ ବଚସା ହୋଇଥିଲା। ଉତ୍କ୍ଷୀପ୍ତ ହୋଇ କୈଳାଶ ଏକ କଟୁରିରେ ସୁଜୟଙ୍କ ମୁଣ୍ଡକୁ ଲକ୍ଷକରି ଆକ୍ରମଣ କରିଥିଲା ହେଲେ କଟୁରି ଚୋଟ ତାଙ୍କ ହାତରେ ବାଜିଥିଲା। ରକ୍ତାକ୍ତ ହୋଇ ସୁଜୟ ତଳେପଡ଼ିଯାଇଥିଲେ। ଗୁରୁତର ଅବସ୍ଥାରେ ତାକୁ ଧାମନଗର ମେଡ଼ିକାଲରେ ଭର୍ତ୍ତି କରାଯାଇଛି। ସୁଜୟଙ୍କ ପରିବା ପକ୍ଷରୁ ଧାମନଗର ଥାନାରେ ଅଭିଯୋଗ ମଧ୍ୟ କରାଯାଇଛି।
ଖଡ଼ିପଦା ପଂଚାୟତରେ ରାଜନୈତୀକ ହିଂସା, ଭିନ୍ନକ୍ଷମ କର୍ମୀ ଆହତ
