କ୍ରୀଡା ଶିକ୍ଷକଙ୍କୁ ବିଦାୟ ସମ୍ବର୍ଦ୍ଧନା

ହାଟଡ଼ିହି-୩୦/୪, ହାଟଡିହି ବ୍ଲକ ଇଞ୍ଚୋ ଉଚ୍ଚ ବିଦ୍ୟାଳୟର କ୍ରୀଡା ଶିକ୍ଷକ ଧନେଶ୍ୱର ରାଉତଙ୍କୁ ଅବସରକାଳୀନ ବିଦାୟ ସମ୍ବର୍ଦ୍ଧନା ଜ୍ଞାପନ କରାଯାଇଛି । କରୋନା କଟକଣାକୁ ମାନି ସାମାଜିକ ଦୁରତା ରକ୍ଷାକରି ଏହି ବିଦାୟ ସମ୍ବର୍ଦ୍ଧନା ଉତ୍ସବ ପାଳନ କରାଯାଇଥିଲା । ଶିକ୍ଷକ ଧନେଶ୍ୱର ରାଉତ ୧୯୮୬ ମସିହାରୁ ଇଞ୍ଚୋଳ ଉଚ୍ଚ ବିଦ୍ୟାଳୟରେ କାର୍ଯ୍ୟରେ ଯୋଗ ଦେବା ସହିତ ସେହିଦିନ ଠାରୁ ନିରନ୍ତର ଭାବେ ଏହି ବିଦ୍ୟାଳୟରେ କାର୍ଯ୍ୟ କରି ଆସୁଥିଲେ । ସଦାଶିବ ନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ସୁବାସ ଚନ୍ଦ୍ର ଜେନା, ବଟକୃଷ୍ଣ ଜେନା, ଅଲେଖଚ୍ନ୍‌୍ର ଦାସ, ଦୁର୍ଯ୍ୟୋଧନ ବରାଳ, ପରେଶ ପରିଡା, ଅନନ୍ତ ରାଉତ, ସୁଶାନ୍ତ ସାମଲ, ନାରାୟଣ ବିଶ୍ୱାଳ, ରତ୍ନାକର ସା, ଉମାକାନ୍ତ ନାୟକ, ସଚିନଦେବ ରାଉତ, ପବିତ୍ରା ରାଉତ, ପ୍ରମୋଦ ବେହେରା, ଶାନ୍ତନୁ ରାଉତ, ବୃନ୍ଦାବନ ରାଉତ, ଭାଗିରଥି ଖୁଣ୍ଟିଆ, ସୁଧାସିନ୍ଧୁ ପାଣି, ଗଣନାଥ ସାହୁ ପ୍ରମୁଖ ଯୋଗଦେଇ ବିଦାୟୀ ଶିକ୍ଷକଙ୍କ କର୍ମମୟ ଜୀବନ ଉପରେ ଆଲୋକପାତ କରିଥିଲେ । ସଂଘ ଓ ବିଦ୍ୟାଳୟ ପକ୍ଷରୁ ଉତ୍ତରୀୟ ଓ ପୁଷ୍ପଗୁଚ୍ଛ ଦିଆଯାଇ ସମ୍ବର୍ଦ୍ଧର୍ିତ କରାଯାଇଥିଲା ।