ଯାଜପୁର୩୦ା୧୦(ଓଡିଆ ପୁଅ) କୁଆଖିଆ ପୁଲିସ ନ୍ୟାୟ ପ୍ରଦାନ କ୍ଷେତ୍ରରେ ଅବହେଳା ନେଇ ଆଜି ପାଣିକୋଇଲିସ୍ଥିତ ଜିଲ୍ଲା ପୁଲିସ ମୁଖ୍ୟାଳୟରେ ଏସପିଙ୍କୁ ଭେଟି ଗୁହାରି କରିଛନ୍ତି ନିର୍ୟ୍ୟାତିତା ମହିଳା । ପ୍ରକାଶଯେ ପାଣିକୋଇଲି ଥାନା ଅନ୍ତର୍ଗତ ଗୋଳେଇପୁର ପଂଚାୟତର ହାଟସାହି ଗ୍ରାମର ଅନନ୍ତ ପରିଡାଙ୍କ ଝିଅ ଗତାଞ୍ଜଳୀ ଗତ ୨୦୧୯ ଜୁଲାଇ ୨୮ ତାରିଖ କୁଆଖିଆ ଥାନା ଅନ୍ତର୍ଗତ ଭଗିରଥିପୁର ଗ୍ରାମର କାଳନ୍ଦୀଙ୍କୁ ବିବାହ କରିଥିଲେ । ବିବାହ ସମୟରେ ୫୦ହଜାର ନଗଦ ଅର୍ଥ ରାଶି ସହ ଅନ୍ୟାନ ସାମଗ୍ରୀ ଦେବା ପାଇଁ ସ୍ତିର ହୋଇଥିଲା । ତଦନୁଯାୟୀ ଯୌତୁକ ଅର୍ଥ ବାବଦରେ ୩୦ ହଜାର ଟଙ୍କା ସହ ଯୌତୁକ ସାମଗ୍ରୀ ଦିଆଯାଇଥିଲା । କିଛି ଦିନ ପରେ ବକେୟା ଅର୍ଥ ଦାବିରେ ଗିତାଞ୍ଜଳୀଙ୍କୁ ଉପରେ ଆରମ୍ଭ ହୋଇଥିଲା ।ଶରୀରିକ ଓ ମାନସିକ ନିର୍ୟ୍ୟାତନା ଏମିତିକି ଜୀବନରୁ ମାରିଦେବାକୁ ଶଶୁର, ସ୍ୱାମ. ଦେଢଶୁର, ଯାଆ ଜୋରଜବର ଦସ୍ତ ବିଷ ପିଆଇ ଦେଇଥିଲେ । ମଧୁବନ ଡାକ୍ତରଖାନାରେ ଚିକତ୍ସିତ ହୋଇ ଗିତାଞ୍ଜଳୀ ବଞ୍ଚି ଯାଇଥବଲେ ବି ତାଙ୍କର ଗର୍ଭ ନଷ୍ଟ ହୋଇଯାଇଥିଲା । ସୁସ୍ଥ ହେବା ପରେ ପୁଣି ନିର୍ୟ୍ୟାତନା ଅରମ୍ଭ ହେବାରୁ ସେ ବାପଘରକୁ ଆସିଥିଲେ ।ଗତ ୨୦୧୯ ଅଗଷ୍ଟ ୨୯ ତାରିଖ ବାପ ସହ ଝିଅ ଶାଶୁ ଘରେ ପହଞ୍ଚିଥିଲେ । ମାତ୍ର ସେ ଘରେ ପୁରାଇ ନଦେଇ ଗାଳିଗୁଲଜ କରିଥିଲେ । ଫଳରେ ବାପ ଝିଅ କୁଆଖିଆ ଥାନାର ଦ୍ୱାରସ୍ଥ ହୋଇଥିଲେ । ହେଲେ ପୁଲିସ ଟାଳଟୁଳ ନିତି ଅବଲମ୍ବର କରି ବାରମ୍ବାର ଦୌଡାଇ କିଛି କାର୍ୟ୍ୟାନୁଷ୍ଠାନ ନେଲେ ନାହିଁ । ଫଳରେ ବାଧ୍ୟହୋଇ ଗୀତାଞ୍ଜଳୀ କୋର୍ଟର ଆଶ୍ରୟ ନେଲେ । କୋର୍ଟର ନିର୍ଦ୍ଦେଶ ମୁତାବକ ଗୀତାଞ୍ଜଳୀର ଯୌତୁକ ସମାଗ୍ରୀ ଉଦ୍ଧାର ସହ ଦୋଷୀଙ୍କ ବିରୁଦ୍ଧରେ କାର୍ୟ୍ୟାନୁଷ୍ଠାନ ପାଇଁ ପୁଲିସକୁ କୋର୍ଟ ନିର୍ଦ୍ଦେଶ ଦେଇଥିଲେ । ମାତ୍ର କୋର୍ଟ ନିର୍ଦ୍ଦେଶ ପରେ ବି କୁଆଖିଆ ପୁଲିସ କାର୍ୟ୍ୟାନୁଷ୍ଠାନ ଗ୍ରହଣ ନକରିବାରୁ ଆଜି ଏସପିଙ୍କ ଦ୍ୱାରସ୍ଥ ହୋଇଛନ୍ତି ନିର୍ୟ୍ୟାତିତା ଗୀତାଞ୍ଜଳୀ ।
କୁଆଖିଆ ଥାନାଅଧିକାରୀ ପାଳନ କରୁନାହାଁନ୍ତି କୋର୍ଟଙ୍କ ନିର୍ଦ୍ଦେଶ, ଏସପିଙ୍କୁ ଗୁହାରୀ କଲେ ନିର୍ଯ୍ୟାତିତା ମହିଳା
