ହାଇଦ୍ରାବାଦ ୧୦-୧୦ (ଓଡ଼ିଆ ପୁଅ) ଶନିବାର-ରବିବାର ବିଳମ୍ବିତ ରାତିରେ ତେଲେଙ୍ଗାନାର ଜୋଗୁଲାମ୍ବା ଗାଡୱାଲ ଜିଲ୍ଲାର କୋଥାପାଲ୍ଲୀ ଗ୍ରାମରେ ଏକ ଦୁଃଖଦ ଘଟଣା ଘଟିଛି। ଏକ ଘରର କାନ୍ଥ ଭୁଶୁଡ଼ିବା ପରେ ଏକ ଦମ୍ପତି ଏବଂ ସେମାନଙ୍କର ତିନି ସନ୍ତାନ ଦୁଃଖଦ ମୃତ୍ୟୁ ବରଣ କରିଥିଲେ। ଏହି ଦୁର୍ଘଟଣାରେ ଅନ୍ୟ ଦୁଇଜଣ ଶିଶୁ ସାମାନ୍ୟ ଆହତ ହୋଇଥିଲେ। ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
ସକାଳେ କାନ୍ଥ ଭୁଶୁଡ଼ିବା ସମ୍ପର୍କରେ ଗ୍ରାମବାସୀ ପୋଲିସକୁ ସୂଚନା ଦେଇଥିଲେ, ପରେ ପୋଲିସ ଟିମ୍ ଘଟଣାସ୍ଥଳରେ ପହଞ୍ଚିଥିଲେ। ଘରେ ୭ ଜଣ ଲୋକ ଶୋଇଥିଲେ। କାନ୍ଥ ତଳେ ଦବି ଯିବା କାରଣରୁ ଦମ୍ପତିଙ୍କ ସମେତ ୫ ଜଣ ଘଟଣାସ୍ଥଳରେ ମୃତ୍ୟୁ ବରଣ କରିଥିଲେ। ଦୁଇ ପିଲାଙ୍କୁ ଗ୍ରାମବାସୀ ଉଦ୍ଧାର କରିଥିଲେ। ସେମାନେ ସାମାନ୍ୟ ଆହତ ହୋଇଛନ୍ତି। ଯେତେବେଳେ ପଚରାଗଲା ବର୍ଷା କାରଣରୁ ଏହି ଦୁର୍ଘଟଣା ଘଟିଛି କି? ପୋଲିସ କହିଲା ଯେ ଏହା ବର୍ଷା କାରଣରୁ ନୁହେଁ, କାନ୍ଥଟି ପୂର୍ବରୁ ଭଙ୍ଗା ଅବସ୍ଥାରେ ଥିଲା।
ଏହି ଘଟଣାରେ ତେଲେଙ୍ଗାନା ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ ଦୁଃଖ ପ୍ରକାଶ କରିଛନ୍ତି। ରାଜ୍ୟ କୃଷି ମନ୍ତ୍ରୀ ସିଙ୍ଗରଡି ନିରଂଜନ ରେଡ୍ଡୀ ମୃତକଙ୍କ ପରେ ଶିଶୁଙ୍କର ରକ୍ଷଣାବେକ୍ଷଣପାଇଁ ପ୍ରତ୍ୟେକଙ୍କୁ ୫ ଲକ୍ଷ ଟଙ୍କା କ୍ଷତିପୂରଣ ଘୋଷଣା କରିଛନ୍ତି। ଅଧିକାରୀମାନେ ମଧ୍ୟ ଗାଁର ଭଙ୍ଗା କୋଠା ଉପରେ ସର୍ଭେ କରିବାକୁ ନିର୍ଦ୍ଦେଶ ଦିଆଯାଇଛି।