କରୋନା ଯୋଦ୍ଧା ସୋସୋ ଥାନା ଅଧିକାରୀଙ୍କୁ ସମ୍ବର୍ଦ୍ଧନା

ହାଟଡ଼ିହି-୧୨/୫, ସୋସୋ ଗ୍ରାମବାସୀଙ୍କ ପକ୍ଷରୁ ସୋସୋ ଥାନା ଅଧିକାରୀ ଗଗନ ନାୟକଙ୍କୁ କରୋନା ଯୋଦ୍ଧା ଭାବେ ସମ୍ବର୍ଦ୍ଧିତ କରାଯାଇଛି । ସୋସୋ ଥାନା ଅଧିକାରୀ ଶ୍ରୀ ନାୟକ ବର୍ତ୍ତମାନ ସମୟରେ ନିଜ ଜୀବନକୁ ବାଜି ଲଗାଇ ଦିନରାତି ସରକାରଙ୍କ ଲକଡାଉନ ନିୟମକୁ ପାଳନ କରାଇବାରେ ମୁଖ୍ୟ ଭୁମିକା ଗ୍ରହଣ କରିଛନ୍ତି । ସମଗ୍ର ଅଞ୍ଚଳରେ ଲୋକମାନେ କିପରି ସାମାଜିକ ଦୁରତା ବଜାୟ ରଖି କରୋନା ଯୁଦ୍ଧରେ ବିଜୟୀ ହେବେ ସେଥିପାଇଁ ସେ ଦିନରାତି ଲାଗିପଡିଛନ୍ତି । ଏହି ପରିପ୍ରେକ୍ଷିରେ ସୋସୋ ଗ୍ରାମ ତରଫରୁ ପୁର୍ବତନ ସରପଞ୍ଚ ବୈଲୋଚନ ନାୟକ, ରବିନ୍ଦ୍ର କୁମାର ରାଉତ, ସମ୍ବିତ କୁମାର ରାଉତ, ରତ୍ନାକର ରଣା, ସୁଶାନ୍ତ କୁମାର ବେହେରା ପ୍ରମୁଖ ଥାନା ଅଧିକାରୀ ଶ୍ରୀ ନାୟକଙ୍କୁ ଉତ୍ତରୀୟ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ ।