ନୂଆଦିଲ୍ଲୀ ୨୭-୧୨ (ଓଡ଼ିଆ ପୁଅ) : କରୋନା ସଂକ୍ରମଣକୁ ଦୃଷ୍ଟିରେ ରଖି ଭାରତରେ ବିଭିନ୍ନ ପ୍ରକାରର ଭ୍ୟାକ୍ସିନ ପ୍ରସ୍ତୁତି ଜୋରଦାର ଚାଲିଛି। ଏହି ମହାମାରୀକୁ ରୋକିବା ପାଇଁ ଟୀକାକରଣ ମଧ୍ୟ କରାଯାଉଛି। ବର୍ତ୍ତମାନ ପର୍ଯ୍ୟନ୍ତ ଦେଶରେ ୨୨୦ କୋଟିରୁ ଅଧିକ ଡୋଜ କରୋନା ଭ୍ୟାକ୍ସିନ ଦିଆଯାଇଛି। ଇସି ମଧ୍ୟରେ ସରକାର, ଭାରତ ବାୟୋଟେକର ନୋଜାଲ ଭ୍ୟାକ୍ସିନକୁ ମଧ୍ୟ ମଞ୍ଜୁରୀ ପ୍ରଦାନ କରିଛନ୍ତି। ଯଦିଓ ନୋଜାଲ ଭ୍ୟାକ୍ସିନର ମୂଲ୍ୟ ସ୍ଥିର ହୋଇନାହିଁ, କିନ୍ତୁ ବିଭିନ୍ନ ରିପୋର୍ଟରୁ ପ୍ରକାଶିତ ଖବର ଅନୁଯାୟୀ, ନୋଜାଲ ଭ୍ୟାକ୍ସିନ ମୂଲ୍ୟ ୮୦୦ ଟଙ୍କା ଧାର୍ଯ୍ୟ କରାଯାଇଛି। ଏଥି ସହିତ ଏହାର ମୂଲ୍ୟ ସରକାରୀ କେନ୍ଦ୍ରରେ ୩୨୫ ଟଙ୍କା ରଖାଯାଇଛି। ତେବେ ପ୍ରାରମ୍ଭରେ ଏହା କେବଳ ଘରୋଇ ଡାକ୍ତରଖାନାରେ ଉପଲବ୍ଧ ହେବ। କୋଭିନ୍ ଆପ୍ ମାଧ୍ୟମରେ ଏହା ବୁକ୍ ହୋଇପାରିବ। ଭାରତ ବାୟୋଟେକ୍ ଏକ ବିବୃତ୍ତିରେ କହିଛି ଯେ ଏହି ଭ୍ୟାକ୍ସିନ ଆସନ୍ତା ମାସ ଜାନୁଆରୀ ଚତୁର୍ଥ ସପ୍ତାହରୁ ଉପଲବ୍ଧ ହେବ।
ଗତ ସପ୍ତାହରେ ଟୀକାକରଣ ଅଭିଯାନରେ iNCOVACC (BBV154) ଭ୍ୟାକ୍ସିନ ଅନ୍ତର୍ଭୁକ୍ତ କରାଯାଇଛି। ସେପ୍ଟେମ୍ବର ୬ ରେ, ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ (DCGI) କେବଳ ଜରୁରୀକାଳୀନ ବ୍ୟବହାର ପାଇଁ ଏହି ଭ୍ୟାକ୍ସିନକୁ ଅନୁମୋଦନ କରିଥିଲା, କିନ୍ତୁ ବର୍ତ୍ତମାନ ଏହାକୁ ଏକ ବୁଷ୍ଟର୍ ଡୋଜ ଭାବରେ ଅନୁମୋଦନ କରାଯାଇଛି। କେବଳ ୧୮ ବର୍ଷରୁ ଅଧିକ ଲୋକ ନାକ ଭ୍ୟାକ୍ସିନ ନେଇପାରିବେ।
ନାକ ଭ୍ୟାକ୍ସିନ କ’ଣ?
ନାକ ମାଧ୍ୟମରେ ଭ୍ୟାକ୍ସିନ ଦିଆଯାଏ। ଅନ୍ୟ ଭ୍ୟାକ୍ସିନ ତୁଳନାରେ ଏହି ଭ୍ୟାକ୍ସିନକୁ ଇଞ୍ଜେକ୍ସନ ମାଧ୍ୟମରେ ଦିଆଯାଏ ନାହିଁ। ନାକରେ କେବଳ ଦୁଇ ବୁନ୍ଦା ଭ୍ୟାକ୍ସିନ ଦିଆଯାଏ।