କରମଣ୍ଡଳ ଏକ୍ସପ୍ରେସ୍ ଦୁର୍ଘଟଣା, ବିଦ୍ୟୁତ୍ ବିଭାଗ ଜେନେରାଲ ମ୍ୟାନେଜର ନାରାୟଣ ଦାଶଙ୍କ ପରଲୋକ

ଭଦ୍ରକ, ୩ା୬ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ପୌରାଞ୍ଚଳ ଅନ୍ତର୍ଗତ ୯ନଂ ୱାର୍ଡ ମଣିସାହି ଗ୍ରାମର ବିଦ୍ୟୁତ୍ ବିଭାଗ ଜେନେରାଲ ମ୍ୟାନେଜର ନାରାୟଣ ଦାଶଙ୍କର ବାଲେଶ୍ୱର ଜିଲା ବାହାନଗା ଠାରେ କରମଣ୍ଡଳ ଏକ୍ସପ୍ରେସ୍ ଦୁର୍ଘଟଣାରେ ମୃତ୍ୟୁ ହୋଇଛି । ପ୍ରାପ୍ତ ସୂଚନା ଅନୁସାରେ ସେ ଗତକାଲି ବାଲେଶ୍ୱରରୁ କରମଣ୍ଡଳ ଟ୍ରେନ୍‌ରେ ନିଜ ଘର ମଣିସାହିକୁ ଫେରୁଥିଲେ । ସେହି ସମୟରେ ଟ୍ରେନ୍ ଦୁର୍ଘଟଣା ହୋଇଥିଲା । ଏବଂ ସେହି ଦୁର୍ଘଟଣାରେ ସେ ପ୍ରାଣ ହରାଇଥିଲେ । ତାଙ୍କର ଡାହାଣ ଗୋଡର ଆଣ୍ଟୁ ତଳୁ କଟିଯାଇଥିବାର ଦେଖାଯାଇଥିଲା । ତାଙ୍କୁ ବାଲେଶ୍ୱର ମେଡିକାଲ ନିଆଯାଇ ଚିକିତ୍ସା ପରେ ଆଜି ସକାଳ ୭ ଘଟିକା ମଣିସାହି ସ୍ଥିତ ବାସଭବନକୁ ତାଙ୍କର ମର ଶରୀରକୁ ଅଣାଯାଇଥିଲା । କାନ୍ଦ ବୋବାଳି ଓ ଶୋକାକୁଳରେ ଫାଟିପଡିଥିବା ସମଗ୍ର ଗାଁ । ତାଙ୍କର ମର ଶରୀରକୁ ଦେଖି କେହିବି ବିଶ୍ୱାସ କରିପାରୁନାହାଁନ୍ତି । ତାଙ୍କର ମୃତ୍ୟୁ ଖବର ପାଇ ଇଲେକ୍ଟ୍ରି ବିଭାଗର ଅଫିସର ଓ କର୍ମଚାରୀମାନେ ତାଙ୍କ ବାସଭବନରେ ପହଞ୍ôଚ ତାଙ୍କୁ ଶେଷ ଦର୍ଶନ ଓ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଏବଂ ସାଙ୍ଗସାଥୀ, ଆତ୍ମୀୟ ସ୍ୱଜନ ଓ ଗାଁ ଲୋକେ ମଧ୍ୟ ଲୁହ ଗଡାଇଥିଲେ । ପରେ ତାଙ୍କ ମର ଶରୀରକୁ ସମଗ୍ର ଗାଁ ପରିକ୍ରମା କରାଯାଇ ତାଙ୍କର ପୈତୃକ ଘର କୁପାରୀକୁ ନିଆଯାଇ ସତ୍କାର କାର୍ଯ୍ୟ ସଂପନ୍ନ କରାଯାଇଛି ।