କଂଗ୍ରେସ ନେତା ଲଲାଟେନ୍ଦୁ ବିଦ୍ୟାଧର ମହାପାତ୍ରଙ୍କ ଶ୍ରାଦ୍ଧ ଦିବସରେ ଯୁବକଂଗ୍ରେସ ପକ୍ଷରୁ ରୋଗୀଙ୍କୁ ଫଳ ବଣ୍ଟନ

ଭଦ୍ରକ, ୬ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – କଂଗ୍ରେସ ନେତା, ପାଇକପୁଅ, ପୂର୍ବତନ ବିଧାୟକ ସ୍ୱର୍ଗତ ଲାଲାଟେନ୍ଦୁ ବିଦ୍ୟାଧର ମହାପାତ୍ରଙ୍କ ୭ମ ଶ୍ରାଦ୍ଧ ବାର୍ଷିକରେ ଭଦ୍ରକ ଯୁବ କଂଗ୍ରେସ ନେତା ତଥା ଜିଲ୍ଲା ଯୁବ କଂଗ୍ରେସ ଉପସଭାପତି ବଳରାମ ରାଉତ (ଚିଲିକା)ଙ୍କ ନେତୃତ୍ୱରେ ଭଦ୍ରକ ମେଡ଼ିକାଲରେ ରୋଗୀଙ୍କୁ ଫଳ ଓ ଶୁଖିଲା ଖାଦ୍ୟ ବଣ୍ଟନ କରାଯାଇଛି । ସକାଳେ ଶ୍ରୀଯୁକ୍ତ ରାଉତଙ୍କ ନେତୃତ୍ୱରେ ଯୁବ ନେତା ଆଶିଷ ନାୟକ, ନଗର କଂଗ୍ରେସ ଯୁବ ସଭାପତି ସୁଶାନ୍ତ ଦାସ, ଅମିୟ ନାୟକ, ସିଦ୍ଧେଶ୍ୱର ମଣ୍ଡଳ, ପ୍ରୀତିରଂଜନ ସାହୁ ପ୍ରମୁଖ ମେଡ଼ିକାଲ ଯାଇ ରୋଗୀଙ୍କୁ ଫଳ ଓ ଶୁଖିଲା ଖାଦ୍ୟ ବାଣ୍ଟିଥିଲେ । ପରେ ତାଙ୍କ ପ୍ରତିକ୍ରିୟାରେ ବଳାରାମ କହିଥିଲେ କି ଲୁଲୁ ଭାଇ ଥିଲେ ଯୁବ ମାନସର ଆଦର୍ଶ । ସେ ଜଣେ ନୀର୍ଭିକ ଓ ପରମ ସାହସୀ ନେତା । ଯିଏ କେବେ ତାଙ୍କ ଜୀବନକାଳ ମଧ୍ୟରେ ସାଲିସ୍ କରି ନାହାନ୍ତି । ତାଙ୍କ ଭଳି ଆଉ ଜଣେ ନେତା ପୁଣି ଯେ ଓଡ଼ିଶା ମାଟିରେ ଜନ୍ମଲାଭ କରିବେ, ତାହା କେବେ ଚିନ୍ତା କରାଯାଇ ପାରେନାହିଁ । ଆଜି ସାମାଜିକ ସ୍ଥିତି ପରିସ୍ଥିତିକୁ ନେଇ ଲୁଲୁ ଭାଇଙ୍କ ଭଳି ନେତା ହେବା ନିତାନ୍ତ ଜରୁରୀ । ସେ ଯେଉଁଠି ଥାଆନ୍ତୁ, ଶାନ୍ତିରେ ଥାଆନ୍ତୁ, ତାଙ୍କ ଆତ୍ମାର ସଦ୍‌ଗତି ହେଉ ବୋଲି ଶ୍ରୀ ରାଉତ କହିଥିଲେ ।