ନୟାଗଡ଼, ୨୮ା୭ : (ଓଡ଼ିଆ ପୁଅ/ସୁରେନ୍ଦ୍ର ନାଥ ପ୍ରଧାନ) ଓଡ଼ିଶା ସାହିତ୍ୟ ଏଳାଡେମୀର ନୟାଗଡ଼ ଜିଲା ସଦସ୍ୟଭାବେ ନୂତନଭାବେ ମନୋନୀତ ହୋଇଥିବା ଇଟାମାଟି କଲେଜର ଅଧ୍ୟକ୍ଷ ଅଶୋକୁ କୁମାର ନାୟକଙ୍କୁ ସମ୍ବର୍ଦ୍ଧନା କରାଯାଇଛି। ଇଟାମାଟିଠାରେ ମଙ୍ଗଳବାର ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଅଧ୍ୟକ୍ଷ ଶ୍ରୀ ନାୟକଙ୍କୁ ଇଟାମାଟି ପଂଚାୟତ ଏବଂ ବିଭିନ୍ନ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧିତ କରାଯାଇଛି। ତାଙ୍କୁ ନୟାଗଡ଼ ଜିଲାର ଜଣେ ଶ୍ରେଷ୍ଠ ସାହିତ୍ୟିକ ଭାବେ ବିବେଚନା କରାଯିବା ସହ ତାଙ୍କର ଉଦ୍ୟମରେ ନୟାଗଡ଼ରେ ସାହିତ୍ୟ ଓ ସଂସ୍କୃତିର ଅଧିକ ପ୍ରଚାର ଓ ପ୍ରସାର ଘଟିବା ସହ ସାହିତ୍ୟ ଅଧିକ ସମୃଦ୍ଧି ହୋଇପାରିବ ବୋଲି ଉପସ୍ଥିତ ବ୍ୟକ୍ତିମାନେ ଆଶା ପ୍ରକଟ କରିଥିଲେ। ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ କବି ଓ ନାଟ୍ୟକାର ଶରତ ଚନ୍ଦ୍ର ଆଚାର୍ଯ୍ୟ, ଭାଷାବିତ୍ ରଜନୀକାନ୍ତ ମିଶ୍ର, କବି ଗୋଦାବରୀଶ ମିଶ୍ର, ସରପଂଚ ସୋନାଲିକା ମନ୍ଥନ, ସମାଜସେବୀ ସାୱର ମଲ୍ଲ ଅଗ୍ରୱାଲ, ସମିତିସଭ୍ୟା କବିତା ରାଣୀ ଜେନା ପ୍ରମୁଖ ଉପସ୍ଥିତ ରହି ଶ୍ରୀ ନାୟକଙ୍କୁ ସମ୍ବର୍ଦ୍ଧିତ କରିଥିଲେ।
ଓଡ଼ିଶା ସାହିତ୍ୟ ଏକାଡେମୀ ସଦସ୍ୟଙ୍କୁ ସମ୍ବର୍ଦ୍ଧନା
