ଓସିଏ ‘ଭିଜନ-୨୦୨୪’ ଆନ୍ତଃ ଜିଲ୍ଲା କ୍ଲବ ସିନିୟର ଲିଗ୍ ଟୁର୍ଣ୍ଣାମେଣ୍ଟ; ସାଳନ୍ଦୀ କ୍ଲବ ବିଜୟୀ

ଭଦ୍ରକ, ୩୧ା୩ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଚରମ୍ପା ରେଲୱେ ଗ୍ରାଉଣ୍ଡ ଓ ଭଦ୍ରକ ସ୍ୱୟଂ ଶାସିତ ମହାବିଦ୍ୟାଳୟ ପଡ଼ିଆ ଦୁଇଟି ସ୍ଥାନରେ ଓଡ଼ିଶା କ୍ରିକେଟ ଆସୋସିଏସନ ଆନୁକୁଲ୍ୟରେ ‘ଭିଜନ-୨୦୨୪’ ପରିପ୍ରେକ୍ଷୀରେ ଜିଲ୍ଳା କ୍ରିକେଟ ଆସୋସିଏସନ ଦ୍ୱାରା ଆୟୋଜିତ ହୋଇଆସୁଥିବା ଆନ୍ତଃ ଜିଲ୍ଳା ସିନିୟର କ୍ଲବ ଲିଗ ଟୁର୍ଣ୍ଣାମେଣ୍ଟର ଆଜି ଲିଗ୍ ପର୍ଯ୍ୟାୟର କେବଳ ଗୋଟିଏ ମ୍ୟାଚ ରେଲୱେ ପଡ଼ିଆରେ ଅନୁଷ୍ଠିତ ହୋଇଥିଲା । ଏହି ମ୍ୟାଚ ବିଜୟଭାନୁ ମେମୋରିଆଲ କ୍ରିକେଟ ଏକାଡେମୀ ଗ୍ରୀନ ଓ ସାଳନ୍ଦୀ କ୍ଳବ ମଧ୍ୟରେ ଖେଳା ଯାଇଥିଲା । ସାଳନ୍ଦୀ କ୍ଳବ ଟସ୍ ଜିତି ପ୍ରଥମେ ବ୍ୟାଟିଂ କରି ୪୩.୫ ଓଭରରେ ୨୯୬ ରନ କରି ଅଲ୍ ଆଉଟ ହୋଇଥିଲେ । ଦଳ ପକ୍ଷରୁ ସୁନିଲ ସାହା ୧୧୨, ଅଭିଜିତ୍ ଦାସ ୫୨ ଓ ଇନ୍ଦ୍ରଜିତ ମହାନ୍ତି ୩୭ ରନ କରିଥିବା ବେଳେ ବିଜୟଭାନୁ ଗ୍ରୀନ ପକ୍ଷରୁ ସି. କୁମାର ସ୍ୱାମୀ ୬, ଗୌରବ କୁମାର ବାରିକ ୨ ଓ ଚିରଞ୍ଜିବ ବେହେରା ଗୋଟିଏ ଉଇକେଟ ନେଇଥିଲେ । ପରେ ବିଜୟଭାନୁ ଗ୍ରୀନ ବ୍ୟାଟିଂ କରି ୪୧.୧ ଓଭରରେ ୧୯୪ ରନ କରି ଅଲ୍‌ଆଉଟ ହୋଇ୧୦୨ ରନରେ ମ୍ୟାଚ ହାରିଥିଲା । ତେବେ ଦଳ ପକ୍ଷରୁ ଏସ୍‌. ନାରାୟଣ ସ୍ୱାମୀ ୫୫, ଚିରଞ୍ଜିବ ବେହେରା ୩୦ ଓ ସି. କୁମାର ସ୍ୱାମୀ ୨୩ ରନ କରିଥିଲେ । ସାଳନ୍ଦୀ କ୍ଳବ ପକ୍ଷରୁ ଜାମିଲ ଅଖ୍‌ତାର ୩ଟି, ମୃତ୍ୟୁଞ୍ଜୟ ଜେନା ୨ଟି ଓ ନନ୍ଦ ମୁଣ୍ଡା ଗୋଟିଏ ଉଇକେଟ ନେଇଥିଲେ । ସାଳନ୍ଦୀ କ୍ଲବର ସୁନିଲ ସାହାଙ୍କୁ ମ୍ୟାନ ଅଫ୍ ଦି ମ୍ୟାଚ ବିବେଚିତ କରାଯାଇଥିଲା । ଏହି ମ୍ୟାଚକୁ ଲଲାଟକେଶରୀ ନନ୍ଦ ଓ ଅବଦୁଲ୍ ରହିମ୍ ଖାଁ ଅମ୍ପାୟାର ଭାବେ ପରିଚାଳନା କରିଥିଲେ । ଆସନ୍ତ ୨ ତାରିଖ ରେଲୱେ ପଡ଼ିଆରେ ଫାଇନାଲ ମ୍ୟାଚ ଖେଳାଯିବ । ଏହି ମ୍ୟାଚ ବିଜୟଭାନୁ ରେଡ଼ ଓ ଇ୍େ‌ଟକୋଷ୍ଟ ରେଲୱେ ସ୍ପୋର୍ଟ୍‌ସ ଏକାଡେମୀ ମଧ୍ୟରେ ଅନୁଷ୍ଠିତ ହେବ ବୋଲି ସୂଚନା ଦିଆଯାଇଛି ।