ଐତିହାସିକ ଗୁଡହାଣ୍ଡି ଓ କୁଇଭାଷା ଉପରେ ଗବେଷଣା କୁ ପ୍ରାଧାନ୍ୟ ଦିଆଯିବ

କଳାହାଣ୍ଡି ୧୬.୦୪.୨୦୨୧ ( ଓଡିଆପୁଅ ) କଳାହାଣ୍ଡି ବିଶ୍ୱବିଦ୍ୟାଳୟ ର କୁଳପତି ଭାବେ ଯୋଗ ଦେଇ ପ୍ରଫେସର ଡଃ ସଂଜୟ ଶତପଥି ଶୁକ୍ରବାର ପୂର୍ବାହ୍ନରେ ଗଣମାଧ୍ୟମ ପ୍ରତିନିଧି ମାନଙ୍କୁ ସମ୍ବୋଧନ କରିଛନ୍ତି । କଳାହାଣ୍ଡି ସରକାରୀ ମହାବିଦ୍ୟାଲୟରେ ଦୀର୍ଘ ଦଶ ବର୍ଷ ଧରି ଅଧ୍ୟାପନା କରିବାର ଅଭିଜ୍ଞତା ଥିବା ବେଳେ ଏହି ଅଂଚଳ ସହ ଅତ୍ୟନ୍ତ ପରିଚିତ ଥିବା ତେତୁ କଳାହାଣ୍ଡିରେ ଶିକ୍ଷାର ବିକାଶ ପାଇଁ ବେଶ ସହାୟ ହେବ ବୋଲି ମତ ପ୍ରକାଶ କରିଛନ୍ତି । ବିଶ୍ୱ ବିଦ୍ୟାଲୟର ସିଣ୍ଡିକେଟ ଗଠନ,ଖାଲିଥିବା ପଦବୀ ପୂରଣ, ସରକାରଙ୍କ ଅର୍ଥ ଆବଂଟନ, ଭିତିଭୂମିର ବିକାଶ ଆଦି ବିଷୟ ଉପରେ ଗୁରୁତ୍ୱ ଦିଆଯାଇ ସେହି ଆଧାରରେ କଳାହାଣ୍ଡି ବିଶ୍ୱବିଦ୍ୟାଲୟକୁ ଭାରତର ଶିକ୍ଷା ମାନଚିତ୍ରରେ ଏକ ସୂଚନାତ୍ମକ ସ୍ଥାନରେ ପହଂଚାଇବା ଲକ୍ଷ୍ୟରେ ଉଦ୍ୟମ କରିବା ପାଇଁ ସମସ୍ତଙ୍କ ସହେଯାଗ କାମନା କରିଥିଲେ । କଳାହାଣ୍ଡିର ପ୍ରାଗଐତିହାସିକ ସମୟରୁ ବିଦ୍ୟମାନ ଗୁଡହାଣ୍ଡି ଉପରେ ଏବଂ ପ୍ରାଚୀନ କୁଇଭାଷା ଉପରେ ଅଧରକ ଗବେଷଣା କରାଯିବା ପାଇଁ ବ୍ୟବସ୍ଥା କରିଯିବ ବୋଲି ଡଃ ଶତପଥି ପ୍ରକାଶ କରିଛନ୍ତି । ସେହିପରି ବିଶ୍ୱବିଦ୍ୟାଲୟର ଭିତିଭୂମିର ବିକାଶ ପାଇଁ ଅନ୍ୟୁନ ଶହେ ଏକର ଜମି ଆବଶ୍ୟକ, ଆଦିବାସୀ ପାଠ୍ୟକ୍ରମ ଉପରେ ଉନ୍ନତ ବିଭାଗ, ଅନୁବାଦ ବିଭାଗ, ପିଏଚଡି ବିଭାଗ ତଥା ଯୁଗଉପଯୋଗୀ ନୂତ ବିଭାଗ ଖୋଲିବା ଉପରେ ଗୁରୁତ୍ୱ ଦିଆଯିବ ବୋଲି ପ୍ରକାଶ କରିଥିଲେ । ଭବାନୀପାଟଣା ସହରର ପ୍ରାଚୀନ ଆଶା ସାଗର କୁ ପୋଷ୍ୟ ପୋଖରୀ ଭାବରେ ଗ୍ରହଣ କରାଯାଇ ଗବେଷଣା କରାଯିବା ସହିତ କଳାହାଣ୍ଡି ମହାବିଦ୍ୟଲୟର ସମସ୍ତ ଭିତି ଭୂମିର ଉନ୍ନତି, ଅଧ୍ୟାପକ ପଦବୀ ପୂରଣ ତଥା ବିଭିନ୍ନ ଦିଗ ଉପରେ ଗୁରୁତ୍ୱ ଦିଆଯିବ ବୋଲି ପ୍ରକାଶ କରିଥିଲେ ।
ଡଃ ଶତପଥି ପୂର୍ବରୁ ବାଣିଜ୍ୟ ବିଭାଗର ଦୀର୍ଘ ୩୬ ବର୍ଷର ଅଧ୍ୟାପନା ଜୀବନ ମଧ୍ୟରେ ୨୪ ଟି ପୁସ୍ତକର ରଚୟୀତା ଏବଂ ଜଣେ ଉଚ୍ଚ କୋଟୀର ଲେକକ ଓ ବକ୍ତା ଅଟନ୍ତି ।
ଅପରାହ୍ନରେ ମହାବୀର ସାଂସ୍କୃତିକ ଅନୁଷ୍ଠାନ ପକ୍ଷରୁ ଜୟନ୍ତ ବେହେରାଙ୍କ ସଭାପତିତ୍ୱରେ ଡଃ ଶଂଜୟ ଶତପଥିଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ଏହି ଅବସରରେ ଡଃ ଶତପଥି ପର୍ଫମିଂ ଆର୍ଟ ଉପରେ ଏକ ବିଭାଗ ଖୋଲାଯାଇ ସେଉପରେ ଗବେଷଣା କରାଗଲେ ଘୁମୁରା ଭଲି ସ୍ଥାନୀୟ ଲୋକନୃତ୍ୟ ଗୁଡିକ ଉପରେ ଅଧିକ ଗବେଷଣା କରାଯାଇପାରିବ ବୋଲି ମତପ୍ରକାଶ କରିଥିଲେ ।