ନୂଆ ଦିଲ୍ଲୀ ୮ -୧୦ (ଓଡ଼ିଆ ପୁଅ) ଆସନ୍ତା ବର୍ଷ ଅର୍ଥାତ୍ ୨୦୨୨ ରେ ଉତ୍ତରପ୍ରଦେଶରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏହାକୁ ଦୃଷ୍ଟିରେ ରଖି ସମସ୍ତ ରାଜନୈତିକ ଦଳ ଏହି ଅଭିଯାନକୁ ଜୋରଦାର କରିଛନ୍ତି। ଶାସକ ବିଜେପି, ମୁଖ୍ୟ ବିରୋଧୀ ଦଳ ସମାଜବାଦୀ ପାର୍ଟି, ବିଏସପି ଏବଂ କଂଗ୍ରେସ ବ୍ୟତୀତ ଛୋଟ ଦଳ ମଧ୍ୟ ରାଲି ଏବଂ ଆଲୋଚନାଚକ୍ର ମାଧ୍ୟମରେ ଜନସାଧାରଣଙ୍କ ଆକୃଷ୍ଟ କରିବା ଆରମ୍ଭ କରିଛନ୍ତି। ଇତି ମଧ୍ୟରେ ଏବିପି ନ୍ୟୁଜ୍ ପାଇଁ ସର୍ଭେ ଏଜେନ୍ସି ସି ଭୋଟର ୟୁପି ଲୋକଙ୍କ ମନଭାବ ବୁଝିବାକୁ ଚେଷ୍ଟା କରିଛି।
ଏହି ସର୍ଭେରେ ଏହା ସ୍ପଷ୍ଟ ଜଣାପଡୁଛି ଯେ, ଉତ୍ତରପ୍ରଦେଶରେ ପୁଣି ଥରେ ବିଜେପି କ୍ଷମତାକୁ ଫେରିପାରେ। ତେବେ, ୨୦୧୭ ତୁଳନାରେ ଆସନ କମ ହେଉଥିବା ଜଣାପଡିଛି। କିନ୍ତୁ ସର୍ଭେ ତଥ୍ୟ ଅନୁଯାୟୀ, ୨୦୨୨ ବିଧାନସଭା ନିର୍ବାଚନରେ ବହୁମତ ସହ ବିଜେପି କ୍ଷମତାକୁ ଫେରିପାରେ।
ଏବିପି ନ୍ୟୁଜ୍-ସି ଭୋଟର ସର୍ଭେ ଅନୁଯାୟୀ ଯଦି ବର୍ତ୍ତମାନ ବିଧାନସଭା ନିର୍ବାଚନ ହୁଏ, ତେବେ ବିଜେପି ୪୧ ପ୍ରତିଶତ, ଏସପି ୩୨ ପ୍ରତିଶତ ଏବଂ ବିଏସପି ୧୫ ପ୍ରତିଶତ ଭୋଟ୍ ପାଇପାରନ୍ତି। ପ୍ରିୟଙ୍କା ଗାନ୍ଧୀଙ୍କ ଉଦ୍ୟମ ସତ୍ତ୍ୱେ କଂଗ୍ରେସ ଭଲ ପ୍ରଦର୍ଶନ କରୁନଥିବା ପରି ମନେ ହେଉଛି ଏବଂ ଦଳକୁ ମାତ୍ର ୬ ପ୍ରତିଶତ ଭୋଟ୍ ଯାଉଛି। ଏଥି ସହିତ ଅନ୍ୟମାନଙ୍କୁ ୬ ପ୍ରତିଶତ ଭୋଟ୍ ମିଳିପାରେ।
ୟୁପିରେ କେତେ ଆସନ ଏବଂ କାହାକୁ ମିଳିବ କେତେ ପ୍ରତିଶତ ଭୋଟ ଜାଣନ୍ତୁ
ମୋଟ ଆସନ – ୪୦୩
ବିଜେପି + ୪୧%
SP + ୩୨%
BSP ୧୫%
କଂଗ୍ରେସ ୬%
ଅନ୍ୟ ୬%
ଉତ୍ତରପ୍ରଦେଶର ସର୍ଭେ ଅନୁଯାୟୀ ଯଦି ଭୋଟ୍ ଅଂଶ ସିଟରେ ପରିଣତ ହୁଏ, ତେବେ ବିଜେପିକୁ ୨୪୧-୨୪୯ ଟି ଆସନ, ଏସପି ୧୩୦-୧୩୮, ବିଏସପି ୧୫-୧୯ ସିଟ୍ ପାଇପାରନ୍ତି ବୋଲି ଆକଳନ କରାଯାଉଛି। ତିନିରୁ ସାତଟି ଆସନ କଂଗ୍ରେସ ଆକାଉଣ୍ଟରେ ଆସିପାରେ। ଅନ୍ୟମାନଙ୍କ ଖାତାରେ ୦-୪ ଟି ଆସନ ଆସିପାରେ ବୋଲି ଆଶା କରାଯାଉଛି।
ୟୁପିରେ କାହାକୁ ମିଳିବ କେତେ ଆସନ?
ମୋଟ ଆସନ – ୪୦୩
ବିଜେପି + ୨୪୧-୨୪୯
SP + ୧୩୦-୧୩୮
BSP- ୧୫-୧୯
କଂଗ୍ରେସ – ୩-୭
ଅନ୍ୟମାନେ- ୦-୪